ଜାମିନ୍‌ରେ ଆସି ସ୍ତ୍ରୀକୁ ହତ୍ୟା କଲା ଅଭିଯୁକ୍ତ, ନିଲମ୍ୱିତ ହେଲେ ତିନି ପୋଲିସ୍‌ ଅଧିକାରୀ

ଜାମିନ୍‌ରେ ଆସି ସ୍ତ୍ରୀକୁ ହତ୍ୟା କଲା ଅଭିଯୁକ୍ତ, ନିଲମ୍ୱିତ ହେଲେ ତିନି ପୋଲିସ୍‌ ଅଧିକାରୀ
ଜାମିନ୍‌ରେ ଆସି ସ୍ତ୍ରୀକୁ ହତ୍ୟା କଲା ଅଭିଯୁକ୍ତ, ନିଲମ୍ୱିତ ହେଲେ ତିନି ପୋଲିସ୍‌ ଅଧିକାରୀ

ନୂଆଦିଲ୍ଲୀ, ୧୭/୦୮: ଜାମିନ୍‌ରେ ଆସି ସ୍ତ୍ରୀକୁ ହତ୍ୟା କରିଛି ଜଣେ କଏଦୀ । ଏଭଳି ଏକ ଘଟଣା ଘଟିଛି ଖୋଦ୍‌ ରାଜଧାନୀ ଦିଲ୍ଲୀରେ । ଏକ ଅଦାଲତକୁ ଦିଲ୍ଲୀ ପୋଲିସ୍‌ କହିଛି ଯେ, ଅନ୍ତରୀଣ ଜାମିନ୍‌ରେ ବାହାରକୁ ବାହାରିଥିବା ଜଣେ ବ୍ୟକ୍ତିଙ୍କ ଦ୍ୱାରା ତାଙ୍କର ପତ୍ନୀଙ୍କ ହତ୍ୟା ହୋଇଥିବା କୁହାଯାଉଛି । ଏହାକୁ ନେଇ ଦିଲ୍ଲୀର ସେହି କୋର୍ଟ ୩ ପୋଲିସ୍‌ ଅଧିକାରୀଙ୍କୁ ନିଲମ୍ୱିତ କରିଦେଇଛନ୍ତି । ଏଥି ସହିତ ସେମାନଙ୍କ ବିରୋଧରେ ବିଭାଗୀୟ ଯାଞ୍ଚ କରିବାକୁ ମଧ୍ୟ ନିର୍ଦ୍ଦେଶ ଦେଇଛନ୍ତି ଅଦାଲତ ।

ଅଭିଯୁକ୍ତର ପତ୍ନୀ ପ୍ରତି ବିପଦ ରହିଥିବା ଆଶଙ୍କା କରି କୋର୍ଟ ତାଙ୍କୁ ସୁରକ୍ଷା ଯୋଗାଇଦେବାକୁ ଆଦେଶ ଦେଇଥିଲେ । କିନ୍ତୁ ଏହାପରେ ବି ଅଭିଯୁକ୍ତ କିପରି ତାର ସ୍ତ୍ରୀକୁ ହତ୍ୟା କଲା ସେ ନେଇ ପ୍ରଶ୍ନ ଉଠୁଛି । ଦିଲ୍ଲୀ ପୋଲିସ୍‌ କମିଶନର୍‌ ଏନେଇ କୋର୍ଟକୁ ସୂଚିତ କରିଛନ୍ତି ଯେ, ଗୋବିନ୍ଦପୁର ପୋଲିସ୍‌ ଥାନାର ଇନ୍‌ସ୍ପେକ୍ଟର, ସବ୍‌ ଇନ୍‌ସ୍ପେକ୍ଚର ଏବଂ ସହାୟକ ସବ୍‌ ଇନ୍‌ସ୍ପେକ୍ଚରଙ୍କୁ କାର୍ଯ୍ୟରୁ ନିଲମ୍ୱିତ କରାଯାଇଛି ।

ଅଦାଲତ ୧୬ ତାରିଖ ଦେଇଥିବା ଆଦେଶ ଅନୁସାରେ, ପୋଲିସ୍‌ ପକ୍ଷରୁ ତଦନ୍ତ କରାଯାଇଥିବା ପୋଲିସ୍‌ କମିଶନର୍‌ କହିଛନ୍ତି । ଏଥିରେ ପ୍ରାଥମିକ ସ୍ତରରୁ ଦୋଷୀ ପାଇଥିବା ତିନି ଅଧିକାରୀଙ୍କ ଉପରେ ମଧ୍ୟ କାର୍ଯ୍ୟାନୁଷ୍ଠାନ ନିଆଯାଇଛି । ସେମାନଙ୍କ ବିରୋଧରେ ଆଧିକାରୀକ ଯାଞ୍ଚ କରାଯିବା ପାଇଁ ମଧ୍ୟ କମିଶନର୍‌ ନିର୍ଦ୍ଦେଶ ଦେଇଥିବା ସେ କହିଛନ୍ତି ।

ଅଭିଯୁକ୍ତ ନନ୍ଦ ନାୟକର ଅନ୍ତରୀଣ ଜାମିନ ରଦ୍ଦ ହୋଇଯିବା ପରେ ସେ ଆସି ଜେଲ୍‌ରେ ଆତ୍ମସମର୍ପଣ କରିବାର ଥିଲା । ହେଲେ ସେ ତାର ପତ୍ନୀକୁ ଜେଲ୍‌ରେ ହାଜର ହେବା ପୂର୍ବରୁ ହତ୍ୟା କରିଦେଇଥିବା କହିଛି । ଯିଏ କି ତା ବିରୋଧରେ ଚାଲିଥିବା ମାମଲାରେ  ଏକ ମାତ୍ର ସାକ୍ଷୀ ଥିଲେ ।