ବିଷାକ୍ତ ମଦ ପିଇ ୧୦ ମୃତ, ୨୪ରୁ ଅଧିକ ଗୁରୁତର

ବିଷାକ୍ତ ମଦ ପିଇ ୧୦ ମୃତ, ୨୪ରୁ ଅଧିକ ଗୁରୁତର
ବିଷାକ୍ତ ମଦ ପିଇ ୧୦ ମୃତ, ୨୪ରୁ ଅଧିକ ଗୁରୁତର

ନୂଆଦିଲ୍ଲୀ,  ମଧ୍ୟପ୍ରଦେଶର ମୁରୈନା ଜିଲ୍ଲାରେ ବିଷାକ୍ତ ମଦ ପିଇ  ୧୦ ଜଣ ପ୍ରାଣ ହରାଇଛନ୍ତି । ଏହାସହ ୨୪ରୁ ଅଧିକ ଗୁରୁତର ଅବସ୍ଥାରେ ଚିକିତ୍ସିତ ହେଉଛନ୍ତି ।  ଘଟଣାସ୍ଥଳରେ ପୋଲିସ ପହଁଚି ଗୁରୁତରଙ୍କୁ ହସ୍ପିଟାଲରେ ଭର୍ତ୍ତି କରିଥିଲା । ମୃତଦେହକୁ ପୋଷ୍ଟମଟର୍ମ ପାଇଁ ପଠାଯାଇଛି ।

ସୁଚନା ଅନୁସାରେ, ଏହି ଘଟଣା ମୁନୈର ଜିଲ୍ଲାର ମାନପୁର ଓ ପହଁବାଲୀ ଗ୍ରାମରେ ଘଟିଛି । କୁହାଯାଉଛି ଯେ, ମାନପୁର ଗ୍ରାମରେ ବିଷାକ୍ତ ମଦ ପିଇ ୫ ଜଣ ପ୍ରାଣ ହରାଇଛନ୍ତି । ସେହିପରି ପହବାଲୀରେ ୩ଜଣଙ୍କର ମୃତ୍ୟୁ ଘଟିଛି । ଏହାସହ ଅନ୍ୟ ୬ଜଣଙ୍କୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଛି । ଗୁରୁତର ଅବସ୍ଥାରେ ହସ୍ପିଟାଲରେ ଆଉ ୨ଜଣଙ୍କ ମୃତ୍ୟୁ ଘଟିଛି ।

ମଧ୍ୟପ୍ରଦେଶରେ ବିଷାକ୍ତ ମଦମୃତ୍ୟୁ ଘଟଣା ପ୍ରଥମ ନୁହେଁ । ପୂର୍ବରୁ ଗତ ବର୍ଷ ଲକଡାଉନ୍ ବେଳେ ମଦ ପିଇ ୮ଜଣ ପ୍ରାଣ ହରାଇଥିଲେ । ଜିଲ୍ଲାର ଏସପି ଗୌରବ ତିଓ୍ୱାରୀଙ୍କ କହିବାନୁସାରେ, ମଦ ପିଇବା ପରେ ସେମାନଙ୍କ ସ୍ୱାସ୍ଥ୍ୟାବସ୍ଥା ବିଗିଡିଥିଲା । ଫଳରେ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଥିଲା । ମଦ ପିଇବା ପରେ ପ୍ରଥମେ ବାନ୍ତି ହୋଇଥିଲା ।