ଆଜିକାଲି ଓଜନ ବଢିଯିବା ଏକ ବଡ ସମସ୍ୟା ଅଟେ। ସେଥିପାଇଁ ସୁସ୍ଥ ଶରୀର ପାଇଁ ନିଜକୁ ଫିଟ ରଖିବା ନିହାତି ଜରୁରୀ । ବିଶେଷ ଭାବେ ଯୁବ ବର୍ଗର ପିଲାମାନେ ନିଜକୁ ଫିଟ ରଖିବାରେ ମାତିଛନ୍ତି । ସେଥିପାଇଁ ନିଜ ଖାଇବା ଉପରେ ନିୟନ୍ତ୍ରଣ କରିବା ସହିତ ଜିମ୍ ରେ ବି ଯୋଗ ଦେଉଛନ୍ତି । ଓଜନ କମାଇବା ପାଇଁ ନିଜ ଡାଏଟ ଲିଷ୍ଟରେ ସାଲାଡ଼କୁ ପ୍ରଧାନ ଖାଦ୍ୟ ଭାବେ ବ୍ୟବହାର କରାଯାଉଛି । ସାଲାଡ଼ ଅନେକ ପ୍ରକାରର ରହିଛି । ପ୍ରତ୍ୟେକ ସାଲାଡରେ ବିଶେଷ ଗୁଣ ମଧ୍ୟ ରହିଥାଏ । କେଉଁ ସାଲାଡ଼ ଖାଇବା ଦ୍ୱାରା କେଉଁ କେଉଁ ଉପକାର ମିଳିଥାଏ , ତାହା ଆସନ୍ତୁ ଜାଣିବା ।
ଓଜନ କମାଇବାରେ ସାଲାଡ଼ର ବ୍ୟବହାର:
ଗଜାମୁଗ,ବୁଟ ସାଲାଡ଼ : ଓଜନ କମାଇବାର ଯାତ୍ରାକୁ ଶୀଘ୍ର ସଫଳ କରିବାରେ ସାହାଯ୍ୟ କରିଥାଏ । ଏହାକୁ ଖାଲି ପେଟରେ ସକାଳେ ଖାଇବା ଦ୍ୱାରା ଶରୀରରେ ଭଲ ପ୍ରଭାବ ପକାଇଥାଏ । ଏହାକୁ ସିଝାଇ ନଚେତ କଞ୍ଚା ଭାବେ ଖାଇପାରିବେ , ତାହା ଆପଣଙ୍କ ଉପରେ ନିର୍ଭର କରେ ।
ଚଣା ସାଲାଡ଼ : ଏହା ପ୍ରୋଟିନ ଏବଂ ଫାଇବରରେ ଭରପୁର । ଏହାର ପ୍ରସ୍ତୁତି ପାଇଁ ଚଣାକୁ ୬ ରୁ ୭ ଘଣ୍ଟା ଯାଏଁ ପାଣିରେ ପ୍ରଥମେ ଭିଜାଇ ତାକୁ ସିଝାଇଦେବେ । ସିଝିବା ପରେ ସେଥିରେ ପିଆଜ, ବିଲାତି,କାକୁଡି ,ଚାଟ ମସଲା ,ବ୍ଲାକସ୍ଲଟ ପକାଇ ଖାଇ ପାରିବେ । ଏଥି ସହ ଏହାର ଟେଷ୍ଟ ଯେତିକି ଭଲ ହୋଇଥାଏ, ସେତିକି ସ୍ୱାସ୍ଥ୍ୟ ପାଇଁ ଲାଭଦାୟକ ମଧ୍ୟ ହୋଇଥାଏ ।
ବ୍ରୋକଲି ସାଲାଡ଼ : ବ୍ରୋକୋଲି ସାଲାଡ୍ ମଧ୍ୟ ଓଜନ କମ୍ କରାଇବାରେ ସାହାଯ୍ୟ କରିଥାଏ । ବ୍ରୋକଲି କୁ ପ୍ରଥମେ ସିଝାଇ ସେଥିରେ ପନିର, ପିଆଜ,କାକୁଡି,ଟମାଟର ପକେଇ ସବୁକୁ ମିକ୍ସ କରି ପ୍ରତିଦିନ ସେବନ କରନ୍ତୁ । ଯାହାକି ଆମ ଓଜନର ସନ୍ତୁଳନକୁ ଠିକ୍ ଭାବରେ ରଖିଥାଏ । ଏଥି ସହ ଆମକୁ ସୁସ୍ଥ ଜୀବନ ମଧ୍ୟ ପ୍ରଦାନ କରିଥାଏ ।
ତେବେ ଯଦି ଆପଣ ନିଜର ଓଜନକୁ ନେଇ ଚିନ୍ତାରେ ରହୁଛନ୍ତି, ତେବେ ଏହି ଟିପ୍ସକୁ ନିଶ୍ଚିତ୍ ଫଲୋ କରନ୍ତୁ । ଦେଖିବେ ଆପଣଙ୍କ ଓଜନ ବହୁ ଶୀଘ୍ର କମ୍ ହେବାକୁ ଲାଗିବ ଏବଂ ଆପଣଙ୍କୁ ରିଲାକ୍ସ ମଧ୍ୟ ଲାଗିବ ।
