ମୋହନା : ଅଡବା ଥାନା ଅନ୍ତର୍ଗତ ଖାରୀଗୁଡା ଗାଁରେ ସଡ଼କ ଦୁର୍ଘଟଣା । ଭାରସାମ୍ୟ ହରାଇ ଓଲଟିଲା ତେଲ ବୋଝେଇ ପିକଅପ୍ । ତେବେ ସୌଭାଗ୍ୟବଶତଃ ଦୁର୍ଘଟଣାରୁ ଅଳ୍ପକେ ବର୍ତ୍ତିଗଲେ ଗାଡି ଚାଳକ ।
ସୂଚନା ଅନୁସାରେ, କେନ୍ଦୁଝର ଜିଲ୍ଲାରୁ ଏକ ପିକଅପ( OD33AU 3286 ) ରେ କେଷ୍ଟ୍ରୋଲ ଅଏଲ ବୋଝେଇ ହୋଇ କୋରାପୁଟ ଜିଲ୍ଲାକୁ ନେଇ ଯାଉଥିଲା । ଆଜି ସକାଳେ ଅଡବା ଥାନା ଅନ୍ତର୍ଗତ ଖାରୀଗୁଡା ଗାଁ ନିକଟରେ ଭୀମଦଲି ଘାଟିରେ ଏକ ଯାତ୍ରୀବାହୀ ବସକୁ ସାଇଡ ଦେଇ ଭାରସାମ୍ୟ ହରାଇ ଓଲଟି ପଡିଥିଲା ।ସୌଭାଗ୍ୟ ବଶତଃ ଗାଡି ଚାଳକ ସୁରକ୍ଷିତ ଭାବେ ବର୍ତ୍ତି ଯାଇଛନ୍ତି । ଘଟଣା ସ୍ଥଳରେ ଅଡବା ପୋଲିସ ପହଞ୍ଚି ତଦନ୍ତ ଚଳାଇଛି ।
