ଭୁବନେଶ୍ୱର : ଭାରତରେ ପ୍ରଥମଥର ପାଇଁ କିମ୍ସ ହସପିଟାଲରେ ଆରମ୍ଭ ହୋଇଛି ଆପ୍ଲିଓ ଆଇ ୮୦୦ ନେକ୍ସଟ ଜେନେରେସନ ଏଣ୍ଡୋସ୍କୋପି ଅଲଟ୍ରା ସୋନୋଗ୍ରାଫି । ଏହା ବିଶ୍ୱରେ ଏକ ନୂଆ ପ୍ରଯୁକ୍ତିବିଦ୍ୟା ଯାହାକି ସ୍ବାସ୍ଥ୍ୟସେବା କ୍ଷେତ୍ରରେ ଏକ ଉତ୍କୃଷ୍ଠ ସେବା ଯୋଗାଇ ଦେଇପାରିବ । ଜାପାନୀ ପ୍ରଯୁକ୍ତିବିଦ୍ୟାରେ ପ୍ରସ୍ତୁତ ଏହି ମେସିନ ପ୍ରଥମଥର ପାଇଁ ଭାରତରେ ବ୍ୟବହୃତ ହେଉଛି ।
ଏନେଇ କିମ୍ସ ହସପିଟାଲରେ ଏକ କର୍ମଶାଳା ଆୟୋଜିତ ହୋଇଛି । ଏହି କର୍ମଶାଳାରେ ଦେଶର ପ୍ରମୁଖ ଡାକ୍ତରଙ୍କ ସହ ରାଜ୍ୟର ବିଭିନ୍ନ ହସ୍ପିଟାଲର ଡାକ୍ତର ମାନେ ସାମିଲ ହୋଇଛନ୍ତି । ଯେଉଁଠି ସେମାନେ ଏହି ନୂଆ ପ୍ରଯୁକ୍ତି ବିଦ୍ୟା ବିଷୟରେ ଅବଗତ ହେବା ସହ ଏହାର ବ୍ୟବହାର ଓ ସଫଳ ପରୀକ୍ଷଣ ବିଷୟରେ ଜାଣିପାରିବେ ତାହା ହେଉଛି ଏହି କର୍ମଶାଳାର ମୁଖ୍ୟ ଲକ୍ଷ୍ୟ ବୋଲି କିମ୍ସ ହସପିଟାଲ ପକ୍ଷରୁ କୁହାଯାଇଛି ।
ସେହିଭଳି ଏହି ନୂଆ ପ୍ରଯୁକ୍ତିବିଦ୍ୟା ଲୋକଙ୍କ ସ୍ବାସ୍ଥ୍ୟ ସେବା କ୍ଷେତ୍ରରେ ବ୍ୟବହାର ହେଉ ବୋଲି କିମ୍ସ ହସପିଟାଲ ପ୍ରତିଷ୍ଠାତା ପ୍ରଫେସର ଡ. ଅଚ୍ୟୁତ ସାମନ୍ତଙ୍କ ଲକ୍ଷ୍ୟକୁ ପୂରଣ କରିବାରେ ସହାୟକ ହେବ ବୋଲି କିମ୍ସ ହସପିଟାଲ ପକ୍ଷରୁ କୁହାଯାଇଛି ।
