ମା କଟକ ଚଣ୍ଡୀଙ୍କ ଷୋଡଶ ଉପଚାର ପୂଜା, ଜୟଦୁର୍ଗା ବେଶରେ ଦର୍ଶନ ଦେବେ ମା

କଟକ : ମା କଟକ ଚଣ୍ଡୀଙ୍କ ଦୂର୍ଗାପୂଜାର ଷୋଡଶ ଦିନାତ୍ମକ ଷୋଡଶ ଉପଚାର ପୂଜା ଚାଲିଛି । ମୂଳାଷ୍ଟମୀ ଠାରୁ ସମସ୍ତ ରିତିନୀତିରେ ମାଆଙ୍କ ଚାଲିଛି ପୂଜାର୍ଚ୍ଚନା ।  ଏଥିପାଇଁ ମନ୍ଦିର ପକ୍ଷରୁ ସମସ୍ତ ପ୍ରକାର ବ୍ୟବସ୍ଥା ଗ୍ରହଣ କରାଯାଇଛି ।  ଆଜି ମା କଟକ ଚଣ୍ଡୀ ଜୟଦୁର୍ଗା ବେଶରେ ଦର୍ଶନ ଦେବେ । ଗତକାଲି ସିଦ୍ଧେଶ୍ବରୀ ବେଶରେ ଦର୍ଶନ ଦେଇଥିଲେ ମା ।  ସେହିପରି ଆଜି ମା ଗଡ଼ଚଣ୍ଡୀ ତାରା ବେଶରେ ଦର୍ଶନ ଦେବେ। ଗତକାଲି କମଳା ବେଶରେ ମା ଦର୍ଶନ ଦେଉଥିଲେ । ମାଙ୍କ ବେଶ ଦର୍ଶନ ପାଇଁ ମନ୍ଦିରରେ ଶ୍ରଦ୍ଧାଳୁଙ୍କ ଭିଡ ଜମୁଛି ।