ପୁଅ ହେଉ କି ହେଉ କେଶ ଝଡିବା ସମସ୍ୟାକୁ ନେଇ ଆଜିକାଲି ସମସ୍ତେ ଚିନ୍ତିତ । ଆଧୁନିକ ଜୀବନଶୈଳୀ, ପରିବେଶ ପ୍ରଦୂଷଣ, ଖାଦ୍ୟ ପାନୀୟରେ ଅନିୟମିତତା, ରାସାୟନିକ ପଦାର୍ଥର ବ୍ୟବହାର ଆଦି କେଶ ଝଡିବାର ମୁଖ୍ୟ କାରଣ । ଯୁବାବସ୍ଥାରୁ କେଶ ଉପୁଡିଯାଉଥିବାରୁ ଏହାକୁ ନେଇ ଯୁବପୀଢି ବେଶ ଚିନ୍ତିତ ।
ତେବେ ଏହି ସମସ୍ୟାର ଚିନ୍ତିତ ଥିବା ବ୍ୟକ୍ତିଙ୍କ ପାଇଁ ଏହି ଖବର ଉପଯୋଗୀ । କେଶ ଝଡିବା ରୋକିବା ପାଇଁ ଆପଣଙ୍କୁ ମୋଟା ଅଙ୍କର ଟଙ୍କା ଖର୍ଚ୍ଚ କରିବାକୁ ପଡିବନି । ଆପଣଙ୍କ ରୋଷେଇ ଘରେ ରହିଛି ଏଭଳି ଏକ ଜିନିଷ ଯାହାକୁ ବ୍ୟବହାର କରି ଆପଣ କେଶ ଝଡିବା ସମସ୍ୟାରୁ ମୁକ୍ତି ପାଇପାରିବେ ।
ଘରେ ତେଲ ପ୍ରସ୍ତୁତ କରନ୍ତୁ :-
ଆବଶ୍ୟକୀୟ ସାମଗ୍ରୀ: ନଡ଼ିଆ ତେଲ, ମେଥି ଦାନା, ଭୃଷଙ୍ଗ ପତ୍ର, ଆଲୋଭେରା ଜେଲ୍, ତୁଳସୀ ପତ୍ର, ଅଁଳା ।
ପ୍ରସ୍ତୁତି ପ୍ରଣାଳି: ପ୍ରଥମେ ଏକ ପ୍ୟାନରେ ୧ କପ୍ ନଡ଼ିଆ ତେଲ ଗରମ କରନ୍ତୁ। ସେଥିରେ ମେଥି ଦାନା, ଭୃଷଙ୍ଗ ପତ୍ର, ଅଁଳା, ତୁଳସୀ ପତ୍ର, ଏବଂ ଆଲୋଭେରା ଜେଲ୍ ପକାନ୍ତୁ। ତେଲର ରଙ୍ଗ ପରିବର୍ତ୍ତନ ହେବା ପର୍ଯ୍ୟନ୍ତ ଏହାକୁ ଫୁଟାନ୍ତୁ । ତାପରେ, ଏହାକୁ ଥଣ୍ଡା ହେବାକୁ ଦିଅନ୍ତୁ ଏବଂ ଏକ ପାତ୍ରରେ ସଂରକ୍ଷଣ କରନ୍ତୁ।
କିପରି ଲଗାଇବେ: ଆପଣ ଶୋଇବା ପୂର୍ବରୁ କିମ୍ବା କେଶ ଧୋଇବା ପୂର୍ବରୁ ଏହି ତେଲକୁ ଲଗାଇ ପାରିବେ। ସର୍ବୋତ୍ତମ ଫଳାଫଳ ପାଇଁ, ସପ୍ତାହରେ ଦୁଇଥର ଏହାକୁ ଲଗାଇବାକୁ ଚେଷ୍ଟା କରନ୍ତୁ।
