ଟ୍ରକକୁ ଧକ୍କା ଦେଲା ଟ୍ରକ୍ : କ୍ୟାବିନରେ ଚାପିହୋଇ ଡ୍ରାଇଭର ମୃତ

ଟ୍ରକକୁ ଧକ୍କା ଦେଲା ଟ୍ରକ୍ : କ୍ୟାବିନରେ ଚାପିହୋଇ ଡ୍ରାଇଭର ମୃତ
ଟ୍ରକକୁ ଧକ୍କା ଦେଲା ଟ୍ରକ୍ : କ୍ୟାବିନରେ ଚାପିହୋଇ ଡ୍ରାଇଭର ମୃତ

ଦେବଗଡ,୧୧/୧୧: ମର୍ମନ୍ତୁଦ ସଡକ ଦୁର୍ଘଟଣା । ଜଣେ ମୃତ ।  ଦେବଗଡ ଜିଲ୍ଲା ଆଦର୍ଶ ଥାନା ଅନ୍ତର୍ଗତ ୪୯ ନମ୍ବର ଜାତୀୟ ରାଜପଥର ଭାଲୁମୁଣ୍ଡା ନିକଟରେ ଟ୍ରକ ଦୁର୍ଘଟଣାରେ ଜଣେ ବ୍ୟକ୍ତିଙ୍କର ମୃତ୍ୟୁ ଘଟିଛି। ମୃତକ ଜଣଙ୍କ ହେଲେ ଦୁର୍ଘଟଣାଗ୍ରସ୍ତ ଟ୍ରକର ଡ୍ରାଇଭର କଟକ ଜିଲ୍ଲା ଆଠଗଡ ଥାନା ଧାଇପୁର ଗ୍ରାମର ଆକୁଳ ସାମଲ।

ସୂଚନାନୁସାରେ, ଆକୁଳ ଟ୍ରକରେ ଟେନସା ଅଞ୍ଚଳରୁ ଲୁହାପଥର ବୋଝେଇ କରି ଝାରସୁଗୁଡା ଅଞ୍ଚଳକୁ ଯାଉଥିଲେ । ଏହି ସମୟରେ ଭାଲୁମୁଣ୍ଡା ନିକଟରେ ଅନ୍ୟ ଏକ ଟ୍ରକ୍ ପଛରୁ ଧକ୍କା ଦେଇଥିଲେ । ଫଳରେ ଘଟଣାସ୍ଥଳରେ ଟ୍ରକ କ୍ୟାବିନ ମଧ୍ୟରେ ସେ ଚାପି ହୋଇ ରହିଥିଲେ। ଖବରପାଇ ଦେବଗଡ ଦମକଳ ବିଭାଗ କର୍ମଚାରୀ ଓ ଆଦର୍ଶ ଥାନା ପୋଲିସ ଘଟଣା ସ୍ଥଳରେ ପହଞ୍ଚି କଟର ସାହାଯ୍ୟରେ କାଟି ଡ୍ରାଇଭରଙ୍କୁ ଉଦ୍ଧାର କରି ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ ।

ଦେବଗଡ ଡାକ୍ତରଖାନାରେ ଡାକ୍ତର ଡ୍ରାଇଭରଙ୍କୁ ମୃତ ଘୋଷଣା କରିଥିଲେ।  ଦେବଗଡ ଆଦର୍ଶ ଥାନା ପୋଲିସ ଘଟଣାସ୍ଥଳରେ ପହଞ୍ଚି ଦୁର୍ଘଟଣାଗ୍ରସ୍ତ ଟ୍ରକ ଦୁଇଟିକୁ ରାସ୍ତାରୁ ହଟାଇବା ସହ ଅଧିକ ତଦନ୍ତ କରୁଛନ୍ତି ।