ଅନିଶ୍ଚିତତାରେ କେନ୍ଦ୍ରାପଡ଼ାର ଆର୍ସେଲର ମିତ୍ତଲ-ନିପ୍ପନ ଷ୍ଟିଲ ପ୍ଲାଣ୍ଟ ! ବିଜେଡି-ବିଜେପି କଥା କଟାକଟି

ଭୁବନେଶ୍ୱର : ଅନିଶ୍ଚିତତାରେ କେନ୍ଦ୍ରାପଡ଼ାର ଆର୍ସେଲର ମିତ୍ତଲ- ନିପ୍ପନ ଷ୍ଟିଲ ପ୍ଲାଣ୍ଟ ! ପ୍ରସ୍ତାବିତ ପ୍ଲାଣ୍ଟ ଏବେ ଓଡ଼ିଶା ବଦଳରେ ଆନ୍ଧ୍ରପ୍ରଦେଶର ଅନକାପଲ୍ଲୀରେ ନିର୍ମାଣ ହେବ ବୋଲି ଜାତୀୟ ଗଣମାଧ୍ୟମରେ ଖବର ପ୍ରକାଶ ପାଇଛି । ଏହାକୁ ନେଇ ଚର୍ଚ୍ଚା ଆରମ୍ଭ ହୋଇଛି । ଗୋଟିଏ ପରେ ଗୋଟିଏ ବଡ଼ ଶିଳ୍ପ ସଂସ୍ଥା ରାଜ୍ୟ ଛାଡ଼ି ଚାଲିଯିବା ପ୍ରସଙ୍ଗରେ ବର୍ଷିଛି ବିଜେଡି । ଏହା ଦୁର୍ଭାଗ୍ୟଜନକ ଓ ଖବର ସତ ହୋଇଥିଲେ ଓଡ଼ିଶାର ଅନେକ କ୍ଷତି ହେବ ବୋଲି କହିଛନ୍ତି ପୂର୍ବତନ ଶିଳ୍ପ ମନ୍ତ୍ରୀ ପ୍ରତାପ ଦେବ । କଂଗ୍ରେସ ବି ରାଜ୍ୟ ସରକାରଙ୍କୁ ଘେରିଛି । ଚର୍ଚ୍ଚା ମଧ୍ୟରେ ପ୍ରତିକ୍ରିୟା ରଖି ଶିଳ୍ପମନ୍ତ୍ରୀ ସଂପଦ ସ୍ବାଇଁ କହିଛନ୍ତି, ଓଡ଼ିଶାରୁ ଆର୍ସେଲର ମିତ୍ତଲ ନିପ୍ପନ ଷ୍ଟିଲ ଯାଉନି । ବିରୋଧୀ ଓଡ଼ିଶାବାସୀଙ୍କୁ ଭ୍ରମିତ କରୁଛନ୍ତି ।