ଭୁବନେଶ୍ବର: ଜଗତସିଂହପୁରରେ ବାଂଲାଦେଶୀଙ୍କ ଆଡ୍ଡାରେ ଚଢଉ । ବିପୁଳ ମାରଣାସ୍ତ୍ର ଓ ପିସ୍ତଲ ଜବତ। ସଦର ଥାନା ବେହେରାମପୁର ବସ୍ତିରୁ ଦୁଇ ବାଂଲାଦେଶୀ ଅଟକ । ସେମାନଙ୍କ ଠାରୁ ବନ୍ଧୁକ, ୫ଟି କଟୁରୀ ଓ ଆପତ୍ତି ଜନକ ସାମଗ୍ରୀ ଜବତ କରିଛି ପୋଲିସ । ଚଢ଼ାଉ ବେଳେ ପୋଲିସ ବାଂଲାଦେଶୀଙ୍କ ଧସ୍ତାଧସ୍ତି ହୋଇଥିଲେ । ୧୦ ରୁ ଅଧିକ ବାଂଲାଦେଶୀ ଘଟଣା ସ୍ଥଳରୁ ଫେରାର ମାରିଥିବା ପୋଲିସ କହିଛି । ଚଢଉ ବେଳେ ବି ପୋଲିସକୁ ଆକ୍ରମଣ କରାଯାଇଛି। ଏଥିରେ ଜଣେ ମହିଳା କନେଷ୍ଟବଳ ଆହତ ହୋଇଛନ୍ତି ।
ସେଠାରେ ସନ୍ଦିଗ୍ଧ ବାଂଲାଦେଶୀମାନେ ଆଡ୍ଡା ଜମାଇଥିବା ଖବର ପାଇ ପୋଲିସ ଟିମ୍ ଅତର୍କିତ ଚଢଉ କରିଥିଲା । ତେବେ ପୋଲିସକୁ ଆକ୍ରମଣ କରି ମୁଖ୍ୟ ଅଭିଯୁକ୍ତ ସିକନ୍ଦର ଆଲାମ୍ ଫେରାର ହୋଇଯାଇଥିଲା । ତେବେ ପୋଲିସ ଦୁଇ ଜଣ ସନ୍ଦିଗ୍ଧ ବାଂଲାଦେଶୀ ମହିଳାଙ୍କୁ କାବୁ କରିଛି । ଭଡା ଘରେ ୩୦ରୁ ଅଧିକ ବାଂଲାଦେଶୀ ରହୁଥିବା ସୂଚନା ମିଳିଛି । ଏବେ ପ୍ରଶ୍ନ ଉଠୁଛି ଏତେ ବାଂଲାଦେଶୀ କରୁଥିଲେ କଣ । ବନ୍ଧୁକ ଜବତ ପରେ ବଢିଛି ସସପେନ୍ସ । ପୋଲିସ ଘଟଣାସ୍ଥଳରେ ତନାଘନା ଚଳାଇଥିବା ବେଳେ ୨ପ୍ଲାଟୁନ ଫୋର୍ସ ମୁତୟନ ଅଛନ୍ତି ।
