କର୍ଣ୍ଣାଟକ : କର୍ଣ୍ଣାଟକ ଶିବମୋଗା ଜିଲ୍ଲାରେ ଅଳ୍ପକେ ବର୍ତ୍ତିଗଲା ଅନେକ ଲୋକଙ୍କ ଜୀବନ । ଏକ ଘରୋଇ ବସ୍ ଅନିୟନ୍ତ୍ରିତ ହୋଇ ବ୍ରିଜ ତଳକୁ ଖସିପଡିଥିଲା । ଦୁର୍ଘଟଣା ବେଳେ ବସରେ ୪୦ ଜଣ ଯାତ୍ରୀ ଥିଲେ । ତେବେ ଘଟଣାରେ ଜନହାନୀ ହୋଇନଥିବା ଖବର ମିଳିଛି । ଘଟଣାରେ ୧୦ ଜଣ ଆହତ ହୋଇଥିବା ଜଣାପଡିଛି ।
ଖବର ମୁତାବକ, ଶିବମୋଗା ଜିଲ୍ଲାର ଭଦ୍ରବତୀ ଅଞ୍ଚଳରେ ଥିବା ଗାଁ ବିରାପୁରା ନିକଟରେ ବସ୍ ଅନିୟନ୍ତ୍ରିତ ହୋଇ ବ୍ରିଜ ରେଲିଂ ସହିତ ଧକ୍କା ହୋଇଥିଲା । ଫଳରେ ବସଟି ତଳକୁ ଖସିପଡିଥିଲା । ବସରେ ଅତିକମରେ ୪୦ ଜଣ ଯାତ୍ରୀ ତିଲେ । ବସଟି ଦାବଣଗେର ଜିଲ୍ଲାର ଚତ୍ରଗିରିରୁ ଭଦ୍ରାବତୀ ଯାଉଥିଲା ।
ଦୁର୍ଘଟଣା ଯୋଗୁଁ ୧୦ ଜଣ ଆହତ ହୋଇଛନ୍ତି । ସମସ୍ତଙ୍କୁ ସ୍ଥାନୀୟ ହସପିଟାଲରେ ଭର୍ତ୍ତି କରାଯାଇଛି । ପୋଲିସ ମାମଲାର ଯାଞ୍ଚ ଆରମ୍ଭ କରିଛି ।
