ପୂରୀ : ଆଜି ଶ୍ରୀମନ୍ଦିର ନିବେଶ କମିଟି ବା ପୁଞ୍ଜି ବିନିଯୋଗ କମିଟି ବୈଠକ। ମହାପ୍ରଭୁଙ୍କର ଦାନ ଅର୍ଥରୁ ନିବେଶ ହୋଇଥିବା ଦୁଇଟି ସ୍ଥାୟୀ ଜମାର ମାଚ୍ୟୁରିଟି ତାରିଖ ରହିଛି । ପ୍ରାୟ ୫୯୨ କୋଟି ଟଙ୍କାର ସ୍ଥାୟୀ ଜମାର ମାଚ୍ୟୁରିଟି ହେବ । ତେଣୁ ଏହାକୁ ଆଗାମୀ ଦିନରେ କେଉଁ କ୍ଷେତ୍ରରେ ନିବେଶ କରାଯିବ ସେ ନେଇ ବୈଠକରେ ଆଲୋଚନା କରାଯାଇ ନିଷ୍ପତ୍ତି ନିଆଯିବ ବୋଲି ଜଣାପଡ଼ିଛି ।
ସୂଚନାଯୋଗ୍ୟ, କିଛି ମାସ ତଳେ ରାଜ୍ୟ ସରକାରଙ୍କ ଅନୁମୋଦନ ଆସିବା ପରେ ଶୁଭ ବେଳାରେ ଗଣତି ମଣତି ଆରମ୍ଭ ହେଇଥିଲା । ତାରିଖ ସ୍ଥିରିକୃତ ହୋଇ ରାଜ୍ୟ ସରକାରଙ୍କୁ ଦିଆଯିବ ବୋଲି କୁହାଯାଇଥିଲା । ଗଣତିମଣତି ବେଳେ ଭକ୍ତଙ୍କ ଦର୍ଶନ ପ୍ରଭାବିତ ହୋଇନଥିଲା । ବାହାରକାଠରୁ ଦର୍ଶନ ହୋଇଥିଲା । ପରିଚାଳନା କମିଟି ବୈଠକ ଶେଷ ହେବା ପରେ ଶ୍ରୀମନ୍ଦିର ମୁଖ୍ୟ ପ୍ରଶାସକ ଅରବିନ୍ଦ ପାଢୀ ଏହି ସୂଚନା ଦେଇଥିଲେ । ସେହିପରି ଗୁଣ୍ଡିଚା ମନ୍ଦିର ସଂପର୍କରେ ବୈଠକରେ ଆଲୋଚନା ହୋଇଥିଲା । ଗୁଣ୍ଡିଚା ମନ୍ଦିରକୁ ଆଉ ନିଲାମ ଦିଆଯାଇନଥିଲା । ଶ୍ରୀମନ୍ଦିର ପରିଚାଳନା କମିଟି ସଦସ୍ୟ ବୁଲି ଦେଖିବା ପରେ ଗୁଣ୍ଡିଚା ମନ୍ଦିର ଖୋଲିଥିଲା।
