ଉତ୍କଳୀୟଜ୍ ଓ ଆଇଏଚ୍‌ସିଏଲ୍ ସିଲେକ୍‌ସନ୍ସର ‘ଶ୍ବେତାମ୍ବରୀ’

ଭୁବନେଶ୍ବର: ମହିଳା ଦିବସ ପାଳନ ପୂର୍ବରୁ ଉତ୍କଳୀୟଜ୍ ଓ ଆଇଏଚ୍‌ସିଏଲ୍ ସିଲେକ୍‌ସନ୍ସ ପକ୍ଷରୁ ହସ୍ତତନ୍ତ ନାରୀତ୍ବ ଉତ୍ସବ ‌‘ଶ୍ବେତାମ୍ବରୀ’ ଅନୁଷ୍ଠିତ ହୋଇଯାଇଛି। କାରିଗରୀ ଓ ନାରୀତ୍ବକୁ ସମ୍ମାନ ସ୍ବରୂପ ଆଇଏଚ୍‌ସିଏଲ୍ ତାଜ୍ ସିଲେକ୍‌ସନ୍ସ ସହଯୋଗରେ ହସ୍ତତନ୍ତ ପ୍ରେମୀମ‌ାନେ ଶ୍ବେତାମ୍ବରୀର ଆୟୋଜନ କରିଥିଲେ। ଭାରତର ସମୃଦ୍ଧ ହସ୍ତତନ୍ତ ଐତିହ୍ୟକୁ ପ୍ରୋତ୍ସାହିତ କରିବା ପାଇଁ ଏହି ଅଦ୍ବିତୀୟ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏଥିରେ ‘ ଇକତ୍-ଦ ମାଷ୍ଟରପିସ୍’ର ଲେଖିକା ଡ.ସରିତା ମିଶ୍ର ଯୋଗଦେଇ ଓଡ଼ିଶାର ସମୃଦ୍ଧ ବୟନ ପରମ୍ପରା ଉପରେ ଆଲୋକପାତ କରିଥିଲେ। ୬୦ ଜଣରୁ ଅଧିକ ମହିଳା ଏହି ଅବସରରେ ପ୍ରାଚୀନ ଧଳା ହସ୍ତତନ୍ତ ଶାଢ଼ି ପିନ୍ଧି ସେଗୁଡ଼ିକୁ ପ୍ରଦର୍ଶିତ କରିଥିଲେ।