ସୁସ୍ଥ ଶରୀର ପାଇଁ ଆମେ ଅନେକ କିଛି ଜିନିଷ ଖାଇଥାଉ । ଯାହା ଖାଇବା ଦ୍ବାରା ଉତ୍ତମ ଶରୀର ଗଠନ କରିବାରେ ସହାୟକ ହୋଇଥାଏ । କ୍ଷୀର ଆମ ସୁସ୍ଥ ଶରୀର ପାଇଁ ବେଶ୍ ଲାଭକାରୀ । ପନିର କ୍ଷୀରରୁ ହେଉଥିବାରୁ ଏହା ମଧ୍ୟ ସ୍ବାସ୍ଥ୍ୟ ପାଇଁ ହିତକର ହୋଇଥାଏ । ପନିର କଞ୍ଚା ହେଉ ଅବା ଭଜା । ଉଭୟକୁ ଲୋକେ ଖାଇବାକୁ ବେଶ୍ ପସନ୍ଦ କରିଥାନ୍ତି । ନିରାମିସ ତରକାରୀ ନାଁ ଆସିଲେ ପ୍ରଥମେ ଲୋକେ ପନିର ତରକାରୀକୁ ବାଛିଥାନ୍ତି । ଏହା ଯେତିକି ସ୍ବାଦିଷ୍ଟ ସେତିକି ଶରୀର ପାଇଁ ହିତକର । ଏଥିରୁ ଆମକୁ ଅନେକ ପୋଷକ ତତ୍ତ୍ବ ମିଳିଥାଏ । ଯାହା ଆମ ସୁସ୍ଥ ଶରୀର ପାଇଁ ଲାଭକାରୀ ହୋଇଥାଏ । ପନିରରେ ସେଲେନିୟମ୍, କ୍ୟାଲସିୟମ୍, ଫସଫରସ୍ ଏବଂ ପୋଟାସିୟମ୍ ମିଳିଥାଏ। ଯାହା ଶରୀରକୁ ଅନେକ ସ୍ୱାସ୍ଥ୍ୟ ସମସ୍ୟାରୁ ରକ୍ଷା କରିବାରେ ସାହାଯ୍ୟ କରିପାରେ। ବିଶେଷ କରି ଆମ ବ୍ରେନ୍ ପାଇଁ ଏହା ବହୁତ ଲାଭଦାୟକ ବୋଲି ବିବେଚନା କରାଯାଏ । ତେଣୁ ଆସନ୍ତୁ କଞ୍ଚା ପନିର ଖାଇବାର ଲାଭ ସମ୍ପର୍କରେ ଜାଣିବା :-
ବର୍ତ୍ତମାନ ସମୟରେ ଅଧିକାଂଶ ଲୋକେ ଓଜନ ପାଇଁ ଚିନ୍ତାରେ ରହିଥାନ୍ତି । ସେଥିପାଇଁ କିଛି ଲୋକେ ଡାଏଟ କରନ୍ତି ତ ଆଉ କିଏ ପୁଣି ଏକ୍ସରସାଇଜ କରିଥାନ୍ତି । କଞ୍ଚା ପନିର ଓଜନ ହ୍ରାସ କରିବାର ସବୁଠାରୁ ସହଜ ଉପାୟ । ଏହା ଓଜନ ନିୟନ୍ତ୍ରଣ କରେ ଏବଂ ଖାଦ୍ୟ ପାଇଁ ଭୋକ ମଧ୍ୟ କମ କରେ ।
ଆଜିକାଲିର ବ୍ୟସ୍ତବହୁଳ ଜୀବନରେ ସମସ୍ତେ ଷ୍ଟ୍ରେସରେ ରହିଥାନ୍ତି । ଯାହା ଷ୍ଟ୍ରେସର ଶିକାରରୁ ରକ୍ଷା କରିବାରେ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରିଥାଏ । ପନିର ଏହି ସମସ୍ୟାରୁ ରକ୍ଷା କରିବାରେ ସାହାଯ୍ୟ କରିଥାଏ । ଏହା ବ୍ୟତୀତ କଞ୍ଚା ପନିର ମାନସିକ ସ୍ବାସ୍ଥ୍ୟ ବଜାୟ ରଖିବାରେ ସହାୟକ କରିଥାଏ ।
ଯଦି ହାଡ ଦୁର୍ବଳ ରହିଛି, ତେବେ ଆପଣ କଞ୍ଚା ପନିର ଖାଇବା ଆରମ୍ଭ କରନ୍ତୁ । ଏଥିରେ କ୍ୟାଲସିୟମ ଏବଂ ଫସଫରସ ଥିବାରୁ ହାଡ ପାଇଁ ଲାଭକାରୀ ହୋଇଥାଏ । ଯାହା ଦୁର୍ବଳ ହାଡକୁ ମଜବୁତ କରିଥାଏ ।
ଯଦି ଆପଣ ଶରୀରରେ କ୍ଳାନ୍ତ ଏବଂ ଦୁର୍ବଳ ଅନୁଭବ କରୁଛନ୍ତି, ତେବେ ଆପଣଙ୍କୁ ଆପଣଙ୍କ ଖାଦ୍ୟରେ ପୁଷ୍ଟିକର ଖାଦ୍ୟ ଖାଇବା ଉଚିତ । କଞ୍ଚା ପନିରରେ ପ୍ରୋଟିନ ସହିତ ଅନେକ ପୋଷକ ତତ୍ତ୍ୱ ଥାଏ, ଯାହା ଆପଣଙ୍କ ଶରୀରର କ୍ଳାନ୍ତି ଏବଂ ଦୁର୍ବଳତା ଦୂର କରିବାରେ ସାହାଯ୍ୟ କରିପାରେ । ଏତିକି ନୁହେଁ ରକ୍ତଚାପ ରୋଗୀଙ୍କ ପାଇଁ ବେଶ୍ ଫଳପ୍ରଦ ହୋଇଥାଏ ।
ତେଣୁ ଯଦି ଆପଣ ଏହି ସବୁ ସମସ୍ୟାର ସମ୍ମୁଖୀନ ହେଉଛନ୍ତି ତେବେ କଞ୍ଚା ପନିର ଖାଇବା ଲିଷ୍ଟରେ ଆଡ୍ କରନ୍ତୁ । କିନ୍ତୁ ହଁ ଆଜ୍ଞା ପନିର ଖରାପ ହୋଇ ନଥିବା ଆବଶ୍ୟକ । ତାଜା ପନିର ସୁସ୍ଥ ଶରୀର ପାଇଁ ଉପଯୋଗୀ । ପନିର ଖାଇବା ପୂର୍ବରୁ ଭଲ ପାଣିରେ ଧୋଇ ଦିଅନ୍ତୁ। ଅଧିକ ପନିର ଖାଆନ୍ତୁ ନାହିଁ କାରଣ ଏହା ଅନ୍ୟାନ୍ୟ ସମସ୍ୟା ସୃଷ୍ଟି କରିପାରେ ।
