ନୂଆଦିଲ୍ଲୀ : ରାଜ୍ୟପାଳ ସିପି ରାଧାକୃଷ୍ଣନଙ୍କୁ ଉପରାଷ୍ଟ୍ରପତି ପଦ ପାଇଁ ଏନଡିଏ ପ୍ରାର୍ଥୀ ଭାବେ ଘୋଷଣା କରିଛି ବିଜେପି । ରବିବାର ବିଜେପି ବୈଠକ ସମୟରେ ନାମାଙ୍କନ ଘୋଷଣା କରାଯାଇଛି । ଯାହାର ସୂଚନା ବିଜେପି ଦଳର ସଭାପତି ଜେପି ନଡ୍ଡା ଦେଇଛନ୍ତି ।
ସୂଚନାନୁଯାୟୀ, ବୈଠକରେ ଏହି ବାବଦରେ ଆଲୋଚନା କରାଯାଇଥିଲା । ସମସ୍ତଙ୍କ ପରାମର୍ଶ କ୍ରମେ ଏଥି ପାଇଁ ରାଧା କୃଷ୍ଣନଙ୍କୁ ଚୟନ କରାଯାଇଥିଲା । ରାଧାକ୍ରିଷ୍ଣନ ବିଜେପିର ବରିଷ୍ଟ ନେତା ହୋଇଥିବାରୁ ସେ ମଙ୍ଗଳବାର ଏନଡିଏ ବୈଠକରେ ଉପସ୍ଥିତ ଥାଇପାରନ୍ତି ବୋଲି ଅନୁମାନ କରାଯାଏ । ଯଦି ତାଙ୍କ ଯୋଗ୍ୟତା ସମ୍ପର୍କରେ କୁହାଯାଏ ତେବେ କୋଏମ୍ବାଟୁରର ଭି.ଓ. ଚିଦାମ୍ବରମ କଲେଜରୁ ବିବିଏ ପାସ୍ କରିଛନ୍ତି । ଏହା ସହିତ ସେ କଲେଜରେ ଟେବୁଲ୍ ଟେନିସ୍ ଚାମ୍ପିଅନ୍ ଏବଂ ଦ୍ରୁତ ଦୌଡାଳି ଥିଲେ । ଏହା ଛଡ଼ା କ୍ରିକେଟ୍ ଏବଂ ଭଲିବଲ୍ ପାଇଁ ତାଙ୍କର ଦୁର୍ବଳତା ରହିଥିଲା । ଅନ୍ୟପଟେ ଯଦି ତାଙ୍କ ରାଜନୀତି କ୍ଷେତ୍ର ସମ୍ପର୍କରେ କୁହାଯିବ ତେବେ ସେ ପୂର୍ବରୁ ୧୮ ଫେବୃଆରୀ ୨୦୨୩ ରୁ ୩୦ ଜୁଲାଇ ୨୦୨୪ ପର୍ଯ୍ୟନ୍ତ ଝାଡ଼ଖଣ୍ଡର ରାଜ୍ୟପାଳ ଭାବରେ କାର୍ଯ୍ୟ କରିଥିଲେ । ସେ ତେଲେଙ୍ଗାନା ଏବଂ ପୁଦୁଚେରୀରେ ମଧ୍ୟ ଦାୟିତ୍ବ ନେଇଥିଲେ । ଏହା ବ୍ୟତୀତ ସେ ୩୧ ଜୁଲାଇ ୨୦୨୪ ଠାରୁ ମହାରାଷ୍ଟ୍ରର ରାଜ୍ୟପାଳ ଭାବେ ରହିଛନ୍ତି । ୨୦୦୩ ରୁ ୨୦୦୬ ପର୍ଯ୍ୟନ୍ତ ତାମିଲନାଡୁ ବିଜେପିର ସଭାପତି ଥିଲେ। ୨ଥର ସାଂସଦ ଭାବେ ମଧ୍ୟ ସେ କାର୍ଯ୍ୟ କରିଥିଲେ । ବର୍ତ୍ତମାନ କିନ୍ତୁ ସେ ମହାରାଷ୍ଟ୍ରର ରାଜ୍ୟପାଳ ଅଛନ୍ତି ।
ଜଗଦୀପ ଧନଖର ଉପରାଷ୍ଟ୍ରପତି ପଦବୀରୁ ଇସ୍ତପା ଦେବା ପରେ ଉପରାଷ୍ଟ୍ରପତି ପଦ ପାଇଁ ନିର୍ବାଚନ କାର୍ଯ୍ୟସୂଚୀ ସ୍ଥିର କରାଯାଇଥିଲା । ଯାହା ସେପ୍ଟେମ୍ବର ୯ରେ କରାଯିବ । ନାମାଙ୍କନ ଦାଖଲର ଶେଷ ତାରିଖ ଅଗଷ୍ଟ ୨୧ ଏବଂ ୨୨ରେ ସମସ୍ତ ଡକ୍ୟୁମେଣ୍ଟ ଯାଞ୍ଚ କରାଯିବ ।
