ଉପ ଜିଲ୍ଲାପାଳଙ୍କ କାର୍ଯ୍ୟାଳୟରୁ ବିରାଟ ବଡ଼ ଅଜଗର ସାପ ଉଦ୍ଧାର

ରାୟଗଡ଼ା : ରାୟଗଡ଼ା ଉପ ଜିଲ୍ଲାପାଳଙ୍କ କାର୍ଯ୍ୟାଳୟରୁ ଏକ ବିରାଟ ବଡ଼ ଅଜଗର ସାପ ଉଦ୍ଧାର ହୋଇଛି । ସାପଟି ଦୀର୍ଘଦିନ ହେବ କାର୍ଯ୍ଯାଳୟ ପରିସରରେ ଚଳପ୍ରଚଳ ହେଉଥିଲା । ଆଜି କିଛି କର୍ମଚାରୀ ସାପଟିକୁ ଦେଖିଥିଲେ । ପରେ ରାୟଗଡା ସହରର ଜଣାଶୁଣା ସାପ ଧରାଳି ପ୍ରଦୀପ ସେନାପତିଙ୍କୁ ସୂଚନା ଦେବା ପରେ ଏହି ସାପକୁ ସେ ଧରିଥିଲେ । ଉଦ୍ଧାର ପରେ ସାପଟିକୁ ଜଙ୍ଗଲରେ ସୁରକ୍ଷିତ ଭାବରେ ଛଡ଼ାଯାଇଛି । ଏତେବଡ଼ ଅଜଗର ସାପକୁ ଦେଖି ପ୍ରଥମେ କର୍ମଚାରୀମାନେ ଭୟଭୀତ ହୋଇଯାଇଥିଲେ । ସାପଟି ପାଖାପାଖି 12ଫୁଟ୍ ଲମ୍ବା ରହିଥିବା ଜଣାପଡିଛି ।