ସେକ୍ୱୋଇଆ ଜାତୀୟ ଉଦ୍ୟାନ ଭିତରେ, ଏକ ବିଶାଳ ଗଛ ଅଛି । ଯାହା ଅନେକ ସାମ୍ରାଜ୍ୟର ଉତ୍ଥାନ ଏବଂ ପତନ ଦେଖିବାକୁ ମିଳିଛି । ଜେନେରାଲ ଶେର୍ମାନକୁ ଅଫିସିଆଲ ଭାବେ ଆୟତନ ଅନୁସାରେ ଏହା ପୃଥିବୀର ସବୁଠାରୁ ବଡ଼ ଗଛ ବୋଲି ବିବେଚନା କରାଯାଏ । ଏହି ଗଛ ୨୨୦୦ ରୁ ୨୭୦୦ ବର୍ଷ ତଳର ବୋଲି ବୈଜ୍ଞାନିକମାନେ ଆକଳନ କରୁଛନ୍ତି । ଏହାର ଅର୍ଥ ଏହା ସେହି ସମୟର ଯେତେବେଳେ ଅନେକ ପ୍ରାଚୀନ ସଭ୍ୟତା ଏପର୍ଯ୍ୟନ୍ତ ଉଦୀୟମାନ ହେଉଥିଲା ।
ଜେନେରାଲ ଶେର୍ମ୍ୟାନ୍ ପ୍ରାୟ ୨୭୫ ଫୁଟ ଉଚ୍ଚ ଅଟେ । ଯଦିଓ ଏହା ବିଶ୍ୱର ସବୁଠାରୁ ଉଚ୍ଚ ଗଛ ନୁହେଁ । କିନ୍ତୁ ଏହାର ବିଶାଳ ଗଣ୍ଡିର ଆୟତନରେ ରେକର୍ଡ ରହିଛି । ଯାହା ପ୍ରାୟ ୫୨,୫୦୦ ଘନଫୁଟ । ଭୂମିରେ ଏହାର ଗଣ୍ଡି ବ୍ୟାସ ପ୍ରାୟ ୩୬ ଫୁଟ ଏବଂ ଏହାର ମୋଟ ଓଜନ ପ୍ରାୟ ୧.୨୭ ନିୟୁତ କିଲୋଗ୍ରାମ ହେବ ବୋଲି ଆକଳନ କରାଯାଇଛି । ଯାହା ୭ ବୟସ୍କ ନୀଳ ତିମିର ଓଜନ ସହିତ ସମାନ ବୋଲି କୁହାଯାଉଛି ।
ଏହି ବିଶାଳ ଗଛ ୨୦୦୦ ବର୍ଷରୁ ଅଧିକ ପୁରୁଣା ହେବା ସତ୍ତ୍ୱେ ମଧ୍ୟ ଜୀବିତ ରହିଛି ଏବଂ ବଢ଼ିଚାଲିଛି । ପ୍ରତିବର୍ଷ ଏହା ୬୦ ଫୁଟ ଉଚ୍ଚ ଗଛ ହେବା ପାଇଁ ଯଥେଷ୍ଟ ନୂତନ କାଠ ଦେଇଥାଏ । ୨୦୦୬ ମସିହାରେ ଏହାର ସବୁଠାରୁ ବଡ଼ ଡାଳ ମଧ୍ୟରୁ ଗୋଟିଏ । ପ୍ରାୟ ୧୦୦ ଫୁଟ ଲମ୍ବା ଏବଂ ୭ ଫୁଟ ଚଉଡା, ଭାଙ୍ଗିଗଲା । ଆଶ୍ଚର୍ଯ୍ୟର କଥା ଯେ, ଏହି ଭାଙ୍ଗିଯାଇଥିବା ଡାଳ ହିଁ ଏହି ସମ୍ପୂର୍ଣ୍ଣ ଗଛ ଅପେକ୍ଷା ବଡ଼ ଥିଲା ।
ଏହି ଗଛର ରହସ୍ୟ ନ୍ୟାଚୁରାଲ ଡିଫରେଣ୍ଟ ସିଷ୍ଟମ୍ । ଏହାର ଛାଲି ପ୍ରାୟ ୨ଫୁଟ ମୋଟା ଏବଂ ମଜବୁତ ହୋଇଥାଏ । ଯାହା ଏହାକୁ ଜଙ୍ଗଲର ନିଆଁ ସହ୍ୟ କରିବାକୁ ଅନୁମତି ଦିଏ। ଛାଲି ଧୀରେ ଧୀରେ ଜଳେ, ଯାହା ଦ୍ବାରା ଭିତରେ ଥିବା ସ୍ତରଗୁଡିକୁ କିଛି କ୍ଷତି ପହଞ୍ଚାଇ ନଥାଏ । ଏହା ବ୍ୟତୀତ, ଏହାର କାଠ ଟାନିନରେ ଭରପୂର । ଏକ ପ୍ରାକୃତିକ ରାସାୟନିକ ପଦାର୍ଥ ଯାହା ପଚିବାକୁ ରୋକେ ଏବଂ କୀଟପତଙ୍ଗକୁ ଦୂରେଇ ରଖେ ।
ଯଦିଓ ଏହି ଗଛର ଆୟତନ ସବୁଠାରୁ ବଡ଼, କିନ୍ତୁ ଅନ୍ୟ ଗଛଗୁଡ଼ିକ ଭିନ୍ନ ଭିନ୍ନ ବିଶ୍ୱ ରେକର୍ଡ ରଖିଛନ୍ତି । ଚିଲିରେ “ଗ୍ରେଟ୍ ଗ୍ରାଣ୍ଡଫାଦର୍” ଭାବରେ ଜଣାଶୁଣା ଏକ ସାଇପ୍ରେସ୍ ଗଛ ୫୪୦୦ ବର୍ଷରୁ ଅଧିକ ପୁରୁଣା ବୋଲି ବିଶ୍ୱାସ କରାଯାଏ । ବିଶ୍ୱର ସବୁଠାରୁ ଉଚ୍ଚ ଗଛ ହେଉଛି ହାଇପେରିଅନ୍, ଏକ କୋଷ୍ଟ ରେଡଉଡ୍ । ଯାହା ୩୮୦ ଫୁଟରୁ ଅଧିକ ଉଚ୍ଚ ।
