Friday, November 20, 2026
21.2 C
Odisha

    ଏହି ସବୁ ସମସ୍ୟା ପାଇଁ ପ୍ରଭାବଶାଳୀ ହେଙ୍ଗୁ ପାଣି, ସକାଳୁ ଡାଏଟରେ କରନ୍ତୁ ସାମିଲ୍

    ଆଗକୁ ପଢନ୍ତୁ

    ଆମ ରୋଷେଇ ଘରେ ବ୍ୟବହାର ହେଉଥିବା ଅନେକ ମସଲା କେବଳ ଖାଦ୍ୟର ସ୍ୱାଦ ଓ ବାସ୍ନା ବଢ଼ାଏ ନାହିଁ, ବରଂ ଏହାର କିଛି ସ୍ୱାସ୍ଥ୍ୟଗତ ଗୁଣ ମଧ୍ୟ ରହିଛି । ସେହିଭଳି ଏକ ମସଲା ହେଉଛି ହେଙ୍ଗୁ । ହେଙ୍ଗୁକୁ ଓଡ଼ିଆ ଘରର ରୋଷେଇରେ ବିଶେଷ କରି ଡାଲି, ତରକାରୀ ଓ ବିଭିନ୍ନ ଖାଦ୍ୟରେ ଅଳ୍ପ ପରିମାଣରେ ବ୍ୟବହାର କରାଯାଏ । ଏହା ଖାଦ୍ୟର ସ୍ୱାଦ ସହିତ ଏକ ଭିନ୍ନ ପ୍ରକାରର ସୁଗନ୍ଧ ମଧ୍ୟ ଦେଇଥାଏ ।

    ହେଙ୍ଗୁର ସବୁଠାରୁ ଚର୍ଚ୍ଚିତ ଉପକାରିତା ହେଉଛି ହଜମ ପ୍ରକ୍ରିୟା ସହ ଏହାର ସମ୍ପର୍କ । ଅନେକ ଲୋକଙ୍କର ଡାଲି କିମ୍ବା କିଛି ଖାଦ୍ୟ ଖାଇବା ପରେ ପେଟ ଫୁଲିବା, ଗ୍ୟାସ୍ ହେବା କିମ୍ବା ପେଟରେ ଅସୁବିଧା ହୋଇଥାଏ । ଏଭଳି ସମସ୍ୟାରେ ହେଙ୍ଗୁକୁ ଉପକାରୀ ବୋଲି ମନାଯାଏ । ତେବେ ଏହାକୁ କୌଣସି ରୋଗର ଔଷଧ ଭାବେ ବ୍ୟବହାର କରିବା ପୂର୍ବରୁ ଡାକ୍ତରଙ୍କ ପରାମର୍ଶ ନେବା ନିହାତି ଜରୁରୀ ।

    ହେଙ୍ଗୁରେ ଆଣ୍ଟିଅକ୍ସିଡାଣ୍ଟ ଓ ଜୀବାଣୁବିରୋଧୀ ଗୁଣ ରହିଛି । ଯାହା ପ୍ରାକୃତିକ ଉପାୟରେ ଲୋକଙ୍କ ଗ୍ୟାସ୍ ଭଳି ସମସ୍ୟାକୁ ଚୁଟକିରେ ଗାଏବ କରିଥାଏ । କିନ୍ତୁ ଅଧିକ ପରିମାଣରେ ହେଙ୍ଗୁ ଖାଇବା ଠିକ୍ ନୁହେଁ । ସାଧାରଣତଃ ରୋଷେଇରେ ଅଳ୍ପ ପରିମାଣରେ ହେଙ୍ଗୁ ବ୍ୟବହାର କରିବା ଯଥେଷ୍ଟ। ବେଶି ପରିମାଣରେ ଖାଇଲେ କେତେକ ଲୋକଙ୍କର ପେଟ ଖରାପ କିମ୍ବା ଅନ୍ୟ ଅସୁବିଧା ହୋଇପାରେ ।

    ବିଶେଷକରି ଛୋଟ ଶିଶୁ, ଗର୍ଭବତୀ ମହିଳା, ସ୍ତନ୍ୟପାନ କରାଉଥିବା ମାଆ ଏବଂ ନିୟମିତ ଔଷଧ ଖାଉଥିବା ବ୍ୟକ୍ତିମାନେ ହେଙ୍ଗୁକୁ ଔଷଧ ଭଳି ଅଧିକ ପରିମାଣରେ ନେବା ପୂର୍ବରୁ ଡାକ୍ତରଙ୍କ ପରାମର୍ଶ ନେବା ଉଚିତ୍ ।

    ତେଣୁ, ହେଙ୍ଗୁକୁ ଏକ ସୁଗନ୍ଧିତ ମସଲା ଭାବେ ଅଳ୍ପ ପରିମାଣରେ ଖାଦ୍ୟରେ ବ୍ୟବହାର କରିପାରିବେ। ଏହା ଖାଦ୍ୟର ସ୍ୱାଦ ବଢ଼ାଇବା ସହ ହଜମ ପ୍ରକ୍ରିୟାରେ କିଛି ଲୋକଙ୍କୁ ଆରାମ ଦେଇପାରେ। କିନ୍ତୁ କୌଣସି ସ୍ୱାସ୍ଥ୍ୟ ସମସ୍ୟା ପାଇଁ କେବଳ ହେଙ୍ଗୁ ଉପରେ ନିର୍ଭର ନକରି ଆବଶ୍ୟକ ସମୟରେ ଡାକ୍ତରଙ୍କ ପରାମର୍ଶ ନେବା ସବୁଠାରୁ ଭଲ । କେବଳ ହେଙ୍ଗୁ ନୁହେଁ ବରଂ ଏହାର ପାଣି ମଧ୍ୟ ସ୍ବାସ୍ଥ୍ୟ ପାଇଁ ଖୁବ୍ ଉପକାରୀ ହୋଇଥାଏ । ତେବେ ଆସନ୍ତୁ ଏହାର ଲାଭକାରୀ ଗୁଣ ବିଷୟରେ ଜାଣିବା ।

    ପାଚନ ପ୍ରକ୍ରିୟା ପାଇଁ ଲାଭକାରୀ : ଆଜିକାଲି ଅସ୍ୱାସ୍ଥ୍ୟକର ଖାଦ୍ୟପେୟ ଯୋଗୁଁ ଗ୍ୟାସ୍, ଏସିଡିଟି ଏବଂ ପେଟ ଫୁଲିବା ଏକ ସାଧାରଣ ସମସ୍ୟା ପାଲଟିଗଲାଣି । ହେଙ୍ଗୁରେ ଜୀବାଣୁବିରୋଧୀ ଏବଂ ଆଣ୍ଟିଅକ୍ସିଡାଣ୍ଟ ଗୁଣ ଅଛି । ଯାହା ପାଚନ ଏନଜାଇମକୁ ସକ୍ରିୟ କରିଥାଏ । ସକାଳେ ଖାଲି ପେଟରେ ଏହାକୁ ଖାଇବା ଦ୍ୱାରା ପେଟ ଭାରୀ ହେବା ହ୍ରାସ ପାଇଥାଏ ଏବଂ ପାଚନ ପ୍ରକ୍ରିୟାରେ ଉନ୍ନତି ଆସିଥାଏ ।

    ଓଜନ ହ୍ରାସ କରେ : ଯଦି ଓଜନ କମାଇବାକୁ ଚାହାଁନ୍ତି ତେବେ ଏହାକୁ ଆପଣଙ୍କ ଡାଏଟରେ ସାମିଲ କରିପାରିବେ । ଏହା ଶରୀରର ମେଟାବୋଲିଜିମ୍ ହାରକୁ ବୃଦ୍ଧି କରେ, ଯାହା କ୍ୟାଲୋରିକୁ ଶୀଘ୍ର ନଷ୍ଟ କରିବାରେ ସାହାଯ୍ୟ କରେ। ଏହା ଶରୀରରୁ କ୍ଷତିକାରକ ବିଷାକ୍ତ ପଦାର୍ଥକୁ ମଧ୍ୟ ବାହାର କରିଦିଏ । ଯାହା ଦ୍ବାରା ସହଜରେ ଓଜନକୁ ହ୍ରାସ କରାଯାଇପାରିବ ।

    ରକ୍ତ ଶର୍କରା ଓ ରକ୍ତଚାପ ନିୟନ୍ତ୍ରଣ କରେ : ହେଙ୍ଗୁରେ ଇନସୁଲିନ୍-ଡିସଚାର୍ଜ ବଢାଇବା ଭଳି ଗୁଣ ରହିଛି । ଯାହା ରକ୍ତ ଶର୍କରା ସ୍ତରକୁ ସନ୍ତୁଳିତ ରଖିବାରେ ସାହାଯ୍ୟ କରେ। ଏହା ବ୍ୟତୀତ ରକ୍ତଚାପକୁ ନିୟନ୍ତ୍ରଣରେ ରଖିଥାଏ ।

    ଅନ୍ୟାନ୍ୟ ଖବର

    ପାଣିପାଗ

    Odisha
    light rain
    21.2 ° C
    21.2 °
    21.2 °
    99 %
    1.3kmh
    100 %
    Fri
    21 °
    Sat
    26 °
    Sun
    28 °
    Mon
    28 °
    Tue
    27 °

    ସମ୍ବନ୍ଧିତ