ଓଡ଼ିଆ ଚଳଚ୍ଚିତ୍ର ନିର୍ମାତା ସୁରେନ୍ଦ୍ର କୁମାର ଖୁଣ୍ଟିଆଙ୍କ ପରଲୋକ

ଚଳଚ୍ଚିତ୍ର ଜଗତରୁ ଆସିଛି ଏକ ବଡ଼ ଦୁଃଖ ଖବର । ଓଡ଼ିଆ ଚଳଚ୍ଚିତ୍ର ନିର୍ମାତା, ଅଭିନେତା ତଥା ବିଶିଷ୍ଟ ଲେଖକ, ଅଧ୍ୟାପକ ସୁରେନ୍ଦ୍ର କୁମାର ଖୁଣ୍ଟିଆ ଆଉ ନାହାନ୍ତି । ୮୨ ବର୍ଷ ବୟସରେ ଶ୍ରୀ ଖୁଣ୍ଟିଆ ପରଲୋକ ଗମନ କରିଛନ୍ତି । କଟକର ଲିଙ୍କ ରୋଡ଼ ସ୍ଥିତ ସୂର୍ଯ୍ୟ ବିହାର ଠାରେ ଶ୍ରୀ ଖୁଣ୍ଟିଆ ଆଜି ସକାଳ ୮ଟା ସମୟରେ ଶେଷ ନିଃଶ୍ୱାସ ତ୍ୟାଗ କରିଥିବା ଜଣାପଡ଼ିଛି । ସେ ‘ଚିହ୍ନା ଅଚିହ୍ନା’, ‘ଦେଖ ଖବର ରଖ ନଜର’ ପରି ଫିଲ୍ମ ନିର୍ମାଣ କରି ଦର୍ଶକଙ୍କ ମଧ୍ୟରେ ପରିଚିତ ହୋଇ ପାରିଥିଲେ । ସୁରେନ୍ଦ୍ରଙ୍କ ବିୟୋଗ ଓଡ଼ିଆ ଚଳଚ୍ଚିତ୍ର ଜଗତ ପାଇଁ ଏକ ବଡ଼ ଝଟକା । ଏହି ଖବର ସୁରେନ୍ଦ୍ରଙ୍କ ଅଗଣିତ ପ୍ରଶଂସକଙ୍କୁ ଶକ୍ତାଘାତ ଦେଇଥିବା ବେଳେ ଚଳଚ୍ଚିତ୍ର ଜଗତ ସହ ଜଡ଼ିତ ଅନେକ ବିଶିଷ୍ଟ ବ୍ୟକ୍ତିବିଶେଷ ଶୋକ ପ୍ରକାଶ କରିଛନ୍ତି ।