ଆପଣମାନେ ଶୁଣୁଥିବେ ଜେଜେମା’ଙ୍କ ସମୟରୁ, ତୁଳସୀ ପତ୍ରକୁ ଅନେକ ସ୍ୱାସ୍ଥ୍ୟ ସମ୍ବନ୍ଧୀୟ ସମସ୍ୟା ପାଇଁ ଏକ ଔଷଧ ଭାବରେ ବ୍ୟବହାର କରାଯାଉଛି । ଶାସ୍ତ୍ର ପୁରାଣ ଅନୁସାରେ ତୁଳସୀ ପତ୍ରର ଅନେକ ମହତ୍ୱ ରହିଛି । ତେବେ ତୁଳସୀ ପତ୍ରରେ ଭିଟାମିନ ସି, ଜିଙ୍କ ଏବଂ ଆଇରନ ଭଳି ଅନେକ ପୋଷକ ତତ୍ତ୍ୱ ପ୍ରଚୁର ପରିମାଣରେ ମିଳିଥାଏ । ଆୟୁର୍ବେଦ ଅନୁସାରେ, ସକାଳେ ତୁଳସୀ ପତ୍ର ପାଣି ପିଇ ଆପଣ ଆପଣଙ୍କର ସ୍ୱାସ୍ଥ୍ୟକୁ ବହୁତ ପରିମାଣରେ ସୁସ୍ଥ ରଖିପାରିବେ । ତୁଳସୀରେ ଏମିତି ଅନେକ ଔଷଧୀୟ ଗୁଣ ରହିଛି, ଯାହା ଶରୀରର କେତେକ ସାଧାରଣ ସମସ୍ୟା ଦୂର କରିବାରେ ସାହାଯ୍ୟ କରେ । ଥଣ୍ଡା, କାଶ ଭଳି ରୋଗକୁ ଭଲ କରିବାରେ ତୁଳସୀ ସାହାଯ୍ୟ କରେ । କେବଳ ସେତିକି ନୁହେଁ ଓଜନ କମ୍ କରିବାରେ ମଧ୍ୟ ତୁଳସୀ ସାହାଯ୍ୟ କରେ । ଏଥିରେ ଆଣ୍ଟି-ଅକ୍ସିଡେଣ୍ଟ ଓ ଆଣ୍ଟି ଇନ୍ଫ୍ଲାମେଟରୀ ଗୁଣ ରହିଛି । ସାଧାରଣତଃ ଲୋକମାନେ ତୁଳସୀର ବ୍ୟବହାର ଚା’ ଆକାରରେ କରିଥାନ୍ତି, କିନ୍ତୁ ଯଦି ଆପଣ ସକାଳୁ ଉଠି କେବଳ ତୁଳସୀର ପାଣି ସେବନ କରିବେ ତେବେ ଖୁବ୍ ଲାଭ ପାଇପାରିବେ । ଆସନ୍ତୁ ଏହାକୁ ତିଆରି କରିବାର ଅତି ସହଜ ଉପାୟ ବିଷୟରେ ଜାଣିବା ।
ତୁଳସୀ ପତ୍ର ପାଣି କିପରି ପ୍ରସ୍ତୁତ କରିବେ ?
ତୁଳସୀ ପତ୍ର ପାଣି ତିଆରି କରିବା ପାଇଁ, ପ୍ରଥମେ ଏକ ପ୍ୟାନରେ ଦୁଇ କପ ପାଣି ଫୁଟାନ୍ତୁ । ଏବେ ଧୋଇଥିବା ତୁଳସୀ ପତ୍ରକୁ ଫୁଟା ପାଣିରେ ମିଶାନ୍ତୁ ଏବଂ ଏହି ପାଣିକୁ ଅତି କମରେ ପାଞ୍ଚ ମିନିଟ୍ ପର୍ଯ୍ୟନ୍ତ ଫୁଟାନ୍ତୁ । ଏବେ ଏହି ପାଣିକୁ ଏକ କପରେ ଛାଣି ସେଥିରେ କିଛି ମହୁ ମିଶାନ୍ତୁ ଏବଂ ଏହାକୁ ଆପଣଙ୍କର ପ୍ରତିଦିନ ଡାଏଟ ପ୍ଲାନର ଏକ ଅଂଶ କରନ୍ତୁ ।
ହାର୍ଟ ପାଇଁ ଲାଭଦାୟକ :
ଯଦି ଆପଣ ଆପଣଙ୍କ ହାର୍ଟର ସ୍ୱାସ୍ଥ୍ୟକୁ ଭଲ ରଖିବାକୁ ଚାହୁଁଛନ୍ତି, ତେବେ ପ୍ରତିଦିନ ତୁଳସୀ ପତ୍ର ପାଣି ପିଅନ୍ତୁ । ତୁଳସୀ ପାଣିରେ ମିଳୁଥିବା ସମସ୍ତ ଉପାଦାନ ହୃଦରୋଗର ଆଶଙ୍କାକୁ କମ କରିବାରେ ମଧ୍ୟ ପ୍ରଭାବଶାଳୀ ପ୍ରମାଣିତ ହୋଇପାରେ । ଭଲ ଫଳାଫଳ ପାଇବା ପାଇଁ, ଆପଣ ଖାଲି ପେଟରେ ତୁଳସୀ ପତ୍ର ପାଣି ପିଇବା ଉଚିତ ।
ତୁଳସୀ ପତ୍ର ପାଣି ଆପଣଙ୍କ ଅନ୍ତନଳୀ ସ୍ୱାସ୍ଥ୍ୟ ପାଇଁ ମଧ୍ୟ ବହୁତ ଲାଭଦାୟକ ପ୍ରମାଣିତ ହୋଇପାରେ । ପେଟ ସମ୍ବନ୍ଧୀୟ ସମସ୍ୟାରୁ ମୁକ୍ତି ପାଇବା ପାଇଁ, ଆପଣ ତୁଳସୀ ପତ୍ର ପାଣି ପିଇବା ମଧ୍ୟ ଆରମ୍ଭ କରିପାରିବେ । ତୁଳସୀ ପାଣି ନିୟମିତ ସେବନ କରିବା ଦ୍ୱାରା ଆପଣ ଥଣ୍ଡା ଏବଂ କାଶ ସମସ୍ୟାରୁ ମଧ୍ୟ ମୁକ୍ତି ପାଇପାରିବେ । ଏହା ବ୍ୟତୀତ, ତୁଳସୀ ପାଣି ଆପଣଙ୍କ ଶରୀରକୁ ଭଲ ରଖିବାରେ ମଧ୍ୟ ସହାୟକ ହୋଇଥାଏ ।
