ଜଳେଶ୍ବର : କାଳୀ ପୂଜା ମେଳାରେ ବଡ଼ ଅଘଟଣ । ବିଳମ୍ବିତ ରାତିରେ କାଳୀପୂଜା ମେଳାରେ ଘଟିଛି ଭୟାବହ ଅଗ୍ନିକାଣ୍ତ । ଜଳିଗଲା ୧୦ରୁ ଅଧିକ ଦୋକାନ । ନଗଦ ଟଙ୍କା ସହ ଲକ୍ଷାଧିକ ଟଙ୍କାର ସାମଗ୍ରୀ ପୋଡି ପାଉଁଶ ହୋଇଯାଇଛି । ବାଲେଶ୍ବର ଜିଲ୍ଲା ଭୋଗରାଇ ଥାନା ଅନ୍ତର୍ଗତ ଖଳାବାଡିଆ ଗ୍ରାମସ୍ଥିତ ଭୋଗରାଇ ଲକ୍ ନିକଟରେ କାଳୀପୂଜା ମେଳା ରେ ଅଘଟଣ। ମେଳାରେ ଶତାଧିକ ଦୋକାନୀ ବ୍ଯବସାୟ ପାଇଁ ଦୋକାନ ଖୋଲିଥିଲେ ।
ହଠାତ ବିଳମ୍ବିତ ରାତିରେ ଗୋଟିଏ ଦୋକାନରେ ନିଆଁ ଲାଗିବା ସହ ସଙ୍ଗେ ସଙ୍ଗେ ଅନ୍ଯ ଦୋକାନ ଗୁଡିକ ବ୍ୟାପିଯାଇଥିଲା । ନିଆଁ ର ପ୍ରକୋପ ଏତେ ଥିଲା ଯେ ଅଳ୍ପ ସମୟ ମଧ୍ଯ ରେ ୧୦ରୁ ଅଧିକ ଦୋକାନ ପୋଡ଼ି ପାଉଁଶ ହୋଇ ଯାଇଥିଲା । ଖବର ପାଇ ଘଟଣା ସ୍ଥଳରେ ଭୋଗରାଇ ଅଗ୍ନିଶମ ବିଭାଗ ପହଞ୍ଚି ଦୀର୍ଘ ସମୟ ପରିଶ୍ରମ ପରେ ନିଆଁକୁ ଆୟତ୍ତ କରିବାରେ ସକ୍ଷମ ହୋଇଥିଲା । ସର୍ଟ ସର୍କିଟରୁ ଏଭଳି ଭୟାବହ ଅଗ୍ନିକାଣ୍ତ ଘଟିଥିବା ସନ୍ଦେହ କରା ଯାଉଛି ।
