ଭୁବନେଶ୍ବର : କୁବେର ବାବୁଙ୍କ ଆୟ ଠାରୁ ୨୭୪ ପ୍ରତିଶତ ଅଧିକ ସଂପତ୍ତି । କୋରାପୁଟ ଫରେଷ୍ଟ ଡିଭିଜନ ସେମିଳିଗୁଡ଼ା ଫରେଷ୍ଟର ନିରଞ୍ଜନ ଶତପଥୀ ଆୟ ଠାରୁ ଅଧିକ ୨୭୪ ପ୍ରତିଶତ ସଂପତ୍ତି ହାସଲ କରିଛନ୍ତି । ଗତକାଲି ଆୟବର୍ହିଭୁତ ସଂପତ୍ତି ଠୁଳ ଅଭିଯୋଗ ପରେ ଭୁବନେଶ୍ବର ସମେତ ୫ଟି ସ୍ଥାନରେ ଚଢଉ କରିଥିଲା ଭିଜିଲାନସ । ଆଜି ତାଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି ।
ନିରଞ୍ଜନଙ୍କ ଭୁବନେଶ୍ବର ଝାରପଡ଼ାରେ ୪ହଜାର ୫୦ ବର୍ଗ ଫୁଟର ଲେଖାଏଁ ୨ଟି ତିନିମହଲା କୋଠା ରହିଛି । ସେମିଳିଗୁଡ଼ାରେ ୧୨୫୦ବର୍ଗ ଫୁଟର ଗୋଟିଏ କୋଠା ରହିଛି । ଭୁବନେଶ୍ବରର ପ୍ରାଇମ ଲୋକେସାନରେ ୨ଟି ପ୍ଲଟ ସମେତ ୭ଟି ବହୁମୂଲ୍ ପ୍ଲଟ ରହିଛି । ଘରୁ ପ୍ରାୟ ଏକ କେଜିର ସୁନା ଅଳଙ୍କାର ମିଳିଥିଲା ।
ନଗଦ ୯ଲକ୍ଷ ୨୮ ହଜାର ଟଙ୍କା ଓ ୬୬ଲକ୍ଷ ୪୨ ହଜାର ଜମାରାଶି ଠାବ ହୋଇଥିଲା । ଗୋଟିଏ ଚାରି ଚକିଆ, ୩ଟି ଦୁଇ ଚକିଆ ଗାଡ଼ି ଠାବ ହୋଇଛି ଯାହାର ମୂଲ୍ୟ ପ୍ରାୟ ୨୮ ଲକ୍ଷ ୭୫ହଜାର ଟଙ୍କା ବୋଲି ଭିଜିଲାନସ ପକ୍ଷରୁ କୁହାଯାଇଛି । ନିରଞ୍ଜନଙ୍କ ଘରୁ ୩୦ଲକ୍ଷ ୭୫ ହଜାର ଟଙ୍କା ମୂଲ୍ୟର ଘରକରଣା ସାମଗ୍ରୀ ଠାବ ହୋଇଛି । କେବଳ କୋରାପୁଟ ବନଖଣ୍ଡରେ ୩୭ ବର୍ଷ ଧରି ଚାକିରି କରିଛନ୍ତି ନିରଞ୍ଜନ ଶତପଥୀ ।
