Monday, November 16, 2026
25.6 C
Odisha

    ଘର ଭିତରେ ପଶିଗଲା ଦ୍ରୁତଗାମୀ କାର୍, ଅଳ୍ପକେ ବର୍ତ୍ତିଲେ ପରିବାରର ୪ ସଦସ୍ୟ

    ଆଗକୁ ପଢନ୍ତୁ

    ଗଜପତି : ଘର ଭିତରେ ପଶିଗଲା ଦ୍ରୁତଗାମୀ କାର୍ । ଫଳରେ ଘରେ ଥିବା ବହୁ ଆସବାପତ୍ର ଜିନିଷ ଓ ୨ ସିଲେଇ ମେସିନ ନଷ୍ଟ । ତେବେ ଅନ୍ୟ ଏକ କୋଠରୀରେ ଶୋଇଥିବା ପରିବାରର ୪ ଜଣ ବର୍ତ୍ତି ଯାଇଛନ୍ତି ।  ଏଭଳି ଭୟଙ୍କର ଦୁର୍ଘଟଣା ଘଟିଛି ଗଜପତି ଜିଲ୍ଲା ମୋହନା ଥାନା ପିଣ୍ଡିକି ଗାଁ ରାସ୍ତାରେ ।

    ଆଜି ଭୋରରେ ଏକ କାର ମୋହନାରୁ ଚାନ୍ଦିପୁଟ ଅଞ୍ଚଳକୁ ଯାଉଥିଲା ।  କାରଟି ଭାରସାମ୍ୟ ହରାଇ ପିଣ୍ଡିକି ଗାଁ ରାସ୍ତା କଡରେ ଥିବା ହରପ୍ରସାଦ ବିଷୋୟୀଙ୍କ ଘର ଭିତରେ ପଶି ଥିଲା ।  ଘରେ ଥିବା କିରାଣି ଜିନିଷ, ଆସବାବ ପତ୍ର ଓ ସିଲେଇ ମେସିନ ଭାଙ୍ଗିଯାଇଛି । ତେବେ ସୌଭାଗ୍ୟ ବଶତଃ ହରପ୍ରସାଦଙ୍କ ସମେତ ପତ୍ନୀ ଓ ପୁଅ ଝିଅ ପଛପଟେ ଥିବା ଅନ୍ୟ ଏକ ଘରେ ଶୋଇଥିବା ଯୋଗୁଁ ଦୁର୍ଘଟଣାରୁ ବର୍ତ୍ତି ଯାଇଛନ୍ତି ।

    ବିଭିନ୍ନ ସ୍ଥ।ନରୁ ଋଣ କରି ହରପ୍ରସାଦ ଘର ଭିତରେ ହିଁ ଛୋଟିଆ ଦୋକାନ କରିଥିଲେ ।  ତେଣୁ କିଭଳି ଋଣ ସୁଝିବେ ବୋଲି କହିଛନ୍ତି ଘର ମାଲିକ ।  ତେବେ ଦୁର୍ଘଟଣା ପରେ କାର ଚାଳକ ଘଟଣା ସ୍ଥଳରୁ ଚମ୍ପଟ ମାରିଛି ।  ଖବର ପାଇ ମୋହନା ପୋଲିସ ଘଟଣାର ତଦନ୍ତ କରୁଛି ।

    ଅନ୍ୟାନ୍ୟ ଖବର

    ପାଣିପାଗ

    Odisha
    overcast clouds
    25.6 ° C
    25.6 °
    25.6 °
    57 %
    1.4kmh
    96 %
    Mon
    27 °
    Tue
    26 °
    Wed
    25 °
    Thu
    21 °
    Fri
    19 °

    ସମ୍ବନ୍ଧିତ