ଜଳିଗଲା ଯାତ୍ରୀବାହୀ ବସ, ସଟସର୍କିଟରୁ ନିଆଁ ଲାଗିଥିବା ଅନୁମାନ

ଝାରସୁଗୁଡ଼ା: ଯାତ୍ରୀବାହୀ ବସରେ ହଠାତ ନିଆଁ ଲାଗି ଜଳିଗଲା ବସ୍ । ଝାରସୁଗୁଡ଼ା ଟାଉନ ଥାନା ବୃନ୍ଦାବନ କଲୋନୀରେ ଠିଆ ହୋଇଥିବା ଏକ ଯାତ୍ରୀବାହୀ ବସରେ ହଠାତ ନିଆଁ ଲାଗିଯାଇ ବସ ଜଳିଯାଇଛି । ବସରେ କୌଣସି ଯାତ୍ରୀ ନଥିବାରୁ କୌଣସି ମୃତାହତ ହୋଇନାହାନ୍ତି । ଘଟଣାସ୍ଥଳରେ ଅଗ୍ନିଶମ ବିଭାଗ ପହଁଚି ନିଆଁକୁ ଆୟତ୍ତ କରିଥିଲା । କେଉଁ ପରିସ୍ଥିତିରେ ଏବଂ କିଭଳି ନିଆଁ ଲାଗିଲା ତାହା ଅସ୍ପଷ୍ଟ ରହିଥିବା ବେଳେ ସଟସର୍କିଟରୁ ନିଆଁ ଲାଗିଥିବା ଅନୁମାନ କରାଯାଉଛି।