ରାଜକୋଟ : ରାଜକୋଟର ହିରାସର ଇଣ୍ଟରନ୍ୟାସନାଲ ଏୟାରପୋର୍ଟରେ ଟଳିଲା ବଡ଼ ଅଘଟଣ । ରାଜକୋଟରୁ ଦିଲ୍ଲୀ ଯାଉଥିବା ବିମାନରେ ପକ୍ଷୀ ମାଡ଼ ହେବା ଯୋଗୁଁ ବିମାନ ଜରୁରୀ ଅବତରଣ କରିଥିଲା । ଏହି ବିମାନରେ ମୋଟ୍ ୧୨୪ ଜଣ ଯାତ୍ରୀ ରହିଥିଲେ । ଟେକ୍ ଅଫ କରିବାର କିଛି ସମୟ ମଧ୍ୟରେ ପକ୍ଷୀ ମାଡ଼ ହୋଇଥିବା ଜଣାପଡିଥିଲା ।
ଖବର ମୁତାବକ, ରାଜକୋଟର ହିରାସର ଏୟାରପୋର୍ଟରୁ ଦିଲ୍ଲୀ ପାଇଁ ଉଡ଼ାଣ ଭରୁଥିବା ସମୟରେ ଏୟାର ଇଣ୍ଡିଆ ବିମାନରେ ପକ୍ଷୀ ମାଡ଼ ହୋଇଥିଲା । ଏହାପରେ ବିମାନକୁ ଜରୁରୀକାଳିନ ଅବତରଣ କରାଯାଇଥିଲା । ପାଇଲଟଙ୍କ ଉପସ୍ଥିତ ବୁଦ୍ଧି ଯୋଗୁଁ ବିମାନରେ ଥିବା ସମସ୍ତ ୧୨୪ ଜଣ ଯାତ୍ରୀ ଏବଂ କ୍ରୁ ସଦସ୍ୟ ସୁରକ୍ଷିତ ଭାବେ ଅବତରଣ କରିପାରିଥିଲେ ।
ବିମାନର ଫ୍ୟାନ୍ ବ୍ଲେଡରେ ପକ୍ଷୀ ମାଡ଼ ହେବା ପରେ ଇଂଜିନ ଏବଂ ଅନ୍ୟ ବୈଷୟିକ ତ୍ରୁଟି ଆଶଙ୍କା ଦେଖାଦେଇଥିଲା । ଏହି କାରଣ ଯୋଗୁଁ ପାଇଲଟ ଏମରଜେନ୍ସୀ ଲାଣ୍ଡିଂ କରିଥିଲେ । ଏୟାରପୋର୍ଟରେ ଅବତରଣ କରିବା ପରେ ଟେକ୍ନିକାଲ ଟିମ୍ ପହଞ୍ଚି ଯାଞ୍ଚ ଆରମ୍ଭ କରିଥିଲେ । ଟିମ୍ କ୍ଷତି ପହଞ୍ଚିଥିବା ମରାମତି କାମ ଆରମ୍ଭ ହୋଇଛି । ବିମାନ ମରାମତି ପରେ ଡିଜିସିଏ ଟିମ୍ ଦ୍ବାରା ଯାଞ୍ଚ କରାଯିବା ପରେ ଉଡ଼ାଣ ପାଇଁ ଅନୁମତି ମିଳିବ ।
