ପୁରୀ: ତଟ ସୁରକ୍ଷା କ୍ଷେତ୍ରରେ ମତ୍ସ୍ୟଜୀବୀଙ୍କୁ ଅଧିକ ସଚେତନ କରିବାକୁ ସ୍ବତନ୍ତ୍ର କାର୍ଯ୍ୟକ୍ରମ । ପୁରୀ ଜିଲ୍ଲାର ପୋଲିସ ପ୍ରଶାସନ ଓ ମେରାଇନ ପୋଲିସ ସହଯୋଗରେ ଅନୁଷ୍ଠିତ ହୋଇଛି କାର୍ଯ୍ୟକ୍ରମ । ବିଶେଷ କରି ବାଂଲାଦେଶୀ ଅନୁପ୍ରବେଶକାରୀଙ୍କୁ ରୋକିବା ଦିଗରେ ମତ୍ସ୍ୟଜୀବୀଙ୍କୁ ସଚେତନ କରାଯାଇଛି । ପ୍ରତି ମାସରେ ଏଭଳି କାର୍ଯ୍ୟକ୍ରମ ଆୟୋଜନ ହେବ ।
ଅନୁପ୍ରବେଶକାରୀଙ୍କୁ ଚିହ୍ନଟ ସହ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବା ପାଇଁ ଗୋଷ୍ଠୀ ସହଭାଗିତାର ଆବଶ୍ୟକତା ରହିଛି । ପୁରୀ ଜିଲ୍ଲାରେ କୌଣସି ବାଂଲାଦେଶୀ ଅନୁପ୍ରବେଶକାରୀ ନାହାନ୍ତି । କେବଳ କିଛି ବଙ୍ଗୀୟ ଶରଣାର୍ଥୀ ଅଛନ୍ତି । ବାଂଲାଦେଶୀ ଅନୁପ୍ରବେଶକାରୀଙ୍କ ସମ୍ପର୍କରେ ତଥ୍ୟ ସଂଗ୍ରହ କରାଯାଉଛି । କୌଣସି ସୂଚନା ଓ ତଥ୍ୟ ଆସିଲେ ସେମାନଙ୍କ ଆଧାର କାର୍ଡ ଓ ଭୋଟର ପରିଚୟ ପତ୍ର ଯାଞ୍ଚ କରାଯାଉଛି । ପୁରୀ ଜିଲ୍ଲା ପୋଲିସ ସହ ମାରାଇନ୍ ଥାନା ପୋଲିସ କଡ଼ା ନଜର ରଖିଥିବା ସୂଚନା ଦେଇଛନ୍ତି ତଟ ସୁରକ୍ଷା ଆଇଜି ।
