ଦମ୍ ଦେଖାଇଲା ଭାରତୀୟ ନୌସେନା; ସୋମାଲିଆ ଜଳଦସ୍ୟୁଙ୍କ କବଳରୁ ୧୭ ଜଣ ନାବିକଙ୍କୁ ଉଦ୍ଧାର

ନୂଆଦିଲ୍ଲୀ: ଭାରତ ମହାସାଗରରେ ୪୦ଘଣ୍ଟାର କଠିନ ଅପରେସନ୍ ପରେ ୧୭ ଜଣ ନାବିକଙ୍କୁ ଉଦ୍ଧାର କରିବା ସହ ୩୫ ଜଣ ସୋମାଲିଆ ଜଳଦସ୍ୟୁଙ୍କୁ କାବୁ କରିଛି ଭାରତୀୟ ନୌସେନା ।ସୂଚନା ଅନୁସାରେ, ସୋମାଲିଆ ଜଳଦସ୍ୟୁମାନେ ଏକ ପଣ୍ୟବାହୀ ଜାହାଜକୁ ଅପହରଣ କରିନେଇଥିଲେ । ଏହାସହ ଏଥିରେ ଥିବା ନାବିକମାନଙ୍କୁ ମଧ୍ୟ ପଣବନ୍ଦୀ ରଖିଥିଲେ । ହେଲେ ଏହି ଜାହାଜକୁ ଠାବ କରାଯିବା ପରେ କାର୍ଯ୍ୟାନୁଷ୍ଠାନ ଆରମ୍ଭ କରିଥିଲା ଭାରତୀୟ ନୌସେନା। ନୌସେନା ଏହି କାମରେ ଯୁଦ୍ଧ ଜାହାଜ ଆଇଏନଏସ କୋଲକାତା ଓ ଆଇଏନଏସ୍ ସୁଭଦ୍ରାକୁ ଲଗାଇଥିଲା । ଏହାସହ ମାର୍କୋସ୍ କମାଣ୍ଡୋମାନେ ମଧ୍ୟ ନିଯୁକ୍ତ ହୋଇଥିଲେ ।