ନୂଆଦିଲ୍ଲୀ : ଦିଲ୍ଲୀ NCR ବାୟୁପ୍ରଦୂଷଣରେ ସାମାନ୍ୟ ଉନ୍ନତି ହୋଇଛି । ଗତକାଲି ସନ୍ଧ୍ୟାରେ ପବନର ବେଗ ଯୋଗୁଁ ଦିଲ୍ଲୀ AQI ଆଜି ସକାଳେ ବହୁତ ଖରାପରେ ରହିଛି । ଦିଲ୍ଲୀରେ AQI ସକାଳ ପ୍ରାୟ ୭ଟାରେ ୩୦୦ରେ ଥିଲା । ଯାହା ବର୍ତ୍ତମାନ ପାଖାପାଖି ୨୭୦ରେ ରହିଛି । ମନିଟରିଂ ଷ୍ଟେସନରେ ଆଜି AQI ୩୦୦ରୁ କମ୍ ବୋଲି ରେକର୍ଡ କରାଯାଇଛି ।
ସୂଚନାନୁଯାୟୀ, ସନ୍ଧ୍ୟା ୬ ଟାରେ ଦିଲ୍ଲୀର ଅଧିକାଂଶ ଅଞ୍ଚଳରେ AQI “ଅତି ଖରାପ” ଥିଲା ଯାହାର ସୂଚନା କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡ ଦେଇଛନ୍ତି । ଯାହା ଜନସ୍ୱାସ୍ଥ୍ୟ ପାଇଁ ମଧ୍ୟ ଏକ ଗମ୍ଭୀର ବିପଦ ସୃଷ୍ଟି କରୁଛି । ଦିଲ୍ଲୀର କିଛି ସ୍ଥାନରେ ପ୍ରଦୂଷଣ ସ୍ତର ସାମାନ୍ୟ କମିଥିଲେ ମଧ୍ୟ ବର୍ତ୍ତମାନ ସୁଦ୍ଧା ପରିସ୍ଥିତି ଚିନ୍ତାଜନକ ରହିଛି । ଆଜି RK ପୁରମ ସବୁଠାରୁ ପ୍ରଦୂଷିତ ଅଞ୍ଚଳ ମଧ୍ୟରେ ରହିଛି । ଯାହାର AQI ୩୦୮ ଥିଲା । ଏହାରି ମଧ୍ୟରେ ସ୍ୱାସ୍ଥ୍ୟ ବିଶେଷଜ୍ଞମାନେ କହିଛନ୍ତି ଯେ, ଏହି ପ୍ରଦୂଷଣ ପରିସ୍ଥିତିକୁ ଆହୁରି ବିପଦପୂର୍ଣ୍ଣ କରିଥାଏ । ଆହୁରି ମଧ୍ୟ କହିଛନ୍ତି ଯେ ଏହି ପ୍ରଦୂଷଣ ବୃଦ୍ଧ, ଶିଶୁ, ଗର୍ଭବତୀ ମହିଳା ଏବଂ ଶ୍ୱାସକ୍ରିୟା ସମସ୍ୟା ଥିବା ଲୋକଙ୍କ ପାଇଁ ଅଧିକ ବିପଦପୂର୍ଣ୍ଣ ।
