ନାବାଳିକାକୁ ଚାକିରି ଦେବାକୁ କହି ଗାଁରୁ ମୁମ୍ବାଇ ନେଇ ହୋଟେଲରେ ରଖି ନିଜ ଶୋଷ ମେଣ୍ଟାଇଲା ପାପୀ । ତାର ଏହି ପାପକୁ ହୁଏତ ସହିପାରିଲେ ନାହିଁ ଭଗବାନ । ଦେହର ଶୋଷ ମେଣ୍ଟାଇବା ପରେ ହୁଏତ ଏମିତି ଆତ୍ମତୃପ୍ତି ଲାଭ କଲା କି ସେଇଠି ଟଳିପଡିଲା । ଘଟଣା ଘଟିଛି ମୁମ୍ବାଇର ଏକ ହୋଟେଲରେ । ଗୁଜରାଟର ଜଣେ ୧୪ ବର୍ଷୀୟା ନାବାଳିକାକୁ ମୁମ୍ବାଇରେ ଚାକିରେ ଦେବାର ପ୍ରଲୋଭନ ଦେଖାଇଥିଲା ଏକ ହୀରା କମ୍ପାନୀରେ ମ୍ୟାନେଜର ଭାବେ କାମ କରୁଥିବା ପାପୀ । ନାବାଳିକାକୁ ମୁମ୍ବାଇ ଆଣିବା ପରେ ହୋଟେଲରେ ତାକୁ ରଖି ଜୋରଜବରଦସ୍ତି ତାକୁ ଉପଭୋଗ କରିଥିଲା । ହେଲେ ତାର ଏତେ ପାପକୁ ସହିଲେ ନି ବୋଧେ ଉପରବାଲା । ନାବାଳିକାର ଲୁହ ପଡିଲା । ଦୁଷ୍କର୍ମ କରିବା ପରେ ସେହି ହୋଟେଲରେ ଟଳିପଡିଲା ଦୁଷ୍କର୍ମକାରୀ
। ହୋଟେଲ କର୍ମଚାରୀ ତୁରନ୍ତ ତାଙ୍କୁ ସ୍ଥାନୀୟ ହସ୍ପିଟାଲ ନେଇଥିଲେ । ହେଲେ ସେତେବଳେକୁ ବହୁତ ଡେରି ହୋଇଯାଇଥିଲା । ଡାକ୍ତର ସେହି ବ୍ୟକ୍ତିକୁ ମୃତ ଘୋଷଣା କରିଥିଲେ । ପ୍ରାଥମିକ ଯାଞ୍ଚରୁ ଡାକ୍ତର କହିଛନ୍ତି, ହୃଦଘାତରେ ତାର ମୃତ୍ୟୁ ହୋଇଛି । ଶବ ବ୍ୟବଚ୍ଛେଦ ପରେ ମୃତ୍ୟୁ ପଛରେ ହୃଦଘାତ ନେଇ ସ୍ପଷ୍ଟତା ଆସିବ । ସେପଟେ ଏହି ଘଟଣା ସମ୍ପର୍କରେ ଜାଣିବା ପରେ ନାବାଳିକାଙ୍କୁ ତାଙ୍କ ମା ଆସି ନେଇଯାଇଛନ୍ତି । ନାବାଳିକା ଗୁଜରାଟର ଏକ ଗରିବ ପରିବାର । ସେମାନଙ୍କ ଦାରିଦ୍ର୍ୟର ଫାଇଦା ନେଇଥିଲା ସେହି ବ୍ୟକ୍ତି ଓ ମୁମ୍ବାଇରେ ତାର କମ୍ପାନୀରେ କାମ ଯୋଗାଇ ଦେବାକୁ ଲୋଭନୀୟ ପ୍ରତିଶ୍ରୁତି ଦେଇଥିଲା ।
ନାବାଳିକାକୁ ଦୁଷ୍କର୍ମ କରିବା ପରେ ଦୁଷ୍କର୍ମକାରୀର ମୃତ୍ୟୁ
