ନାଳରେ ବୁଡ଼ି ୨ ବର୍ଷର ଶିଶୁପୁତ୍ର ମୃତ

ପ୍ରୀତିପୁର: ବିଞ୍ଝାରପୁର ତହସିଲ ତଥା ଅଳକୁଣ୍ଡ ଥାନା ଅଧୀନସ୍ଥ ଅଣ୍ଢାଳୋ ଗ୍ରାମ ନାଳରେ ବୁଡ଼ି ଦୁଇବର୍ଷର ଶିଶୁପୁତ୍ରର ମୃତ୍ୟୁ ଘଟିଛି । ସୂଚନା ମୁତାବକ, ଅଣ୍ଢାଳୋ ଗ୍ରାମର ସର୍ବେଶ୍ୱର ନାୟକଙ୍କ ଶିଶୁପୁତ୍ର ସୌରଭ ନାୟକ ନିଜ ଘରଠାରୁ ମାତ୍ର ୧୦୦ ମିଟର ଦୂରରେ ଥିବା ଭୋଳାବାଡିସ୍ଥ ନାଳକୁ କୌଣସି ପ୍ରକାରେ ଚାଲିଯାଇଥିଲା । ସେଠାରେ ଅସାବଧାନତା ଯୋଗୁଁ ନାଳରେ ଖସିପଡିଥିଲା । କିଛି ସମୟ ପରେ ପରିବାର ଲୋକେ ଶିଶୁକ ଖୋଜିଥିଲେ । କୌଣସି ସନ୍ଧାନ ପାଇ ନ ଥିଲେ । ପରେ ପରିବାର ଓ ପଡ଼ୋଶୀ ବିଭିନ୍ନ ସ୍ଥାନରେ ଖୋଜାଖୋଜି କରିବା ସମୟରେ ଉକ୍ତ ନାଳରେ ଶିଶୁଟି ଭାସୁଥିବା ଦେଖିବାକୁ ମିଳିଥିଲା । ସ୍ଥାନୀୟ ଲୋକେ ତାକୁ ଉଦ୍ଧାର କରି ବିଞ୍ଝାରପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନେଇଥିଲେ । ସେଠାରେ ଡାକ୍ତର ମୃତ ଘୋଷଣା କରିଥିଲେ ।