ନୂଆଦିଲ୍ଲୀ : ପହଲଗାମ ଆତଙ୍କବାଦୀ ଆକ୍ରମଣ ନେଇ କେନ୍ଦ୍ର ରକ୍ଷା ମନ୍ତ୍ରୀ ରାଜନାଥ ସିଂହଙ୍କ ଅଧ୍ୟକ୍ଷତାରେ ଏକ ସର୍ବଦଳୀୟ ବୈଠକ ଡକାଯାଇଥିଲା । ଏହି ବୈଠକରେ ପହଲଗାମ ଆତଙ୍କବାଦୀ ଆକ୍ରମଣରେ ପ୍ରାଣ ହରାଇଥିବା ଲୋକଙ୍କ ପାଇଁ ଦୁଇ ମିନିଟ୍ ନିରବ ପ୍ରାର୍ଥନା କରାଯାଇଛି।
ଡେମୋକ୍ରାଟିକ୍ ପ୍ରୋଗ୍ରେସିଭ୍ ଆଜାଦ ପାର୍ଟିର ଅଧ୍ୟକ୍ଷ ଗୁଲାମ ନବୀ ଆଜାଦ ପହଲଗାମ ଆତଙ୍କବାଦୀ ଆକ୍ରମଣ ବିଷୟରେ କହିଛନ୍ତି, “ପହଲଗାମ ଆକ୍ରମଣରେ ଯେଉଁମାନେ ନିଜ ପ୍ରିୟଜନଙ୍କୁ ହରାଇଛନ୍ତି ସେମାନଙ୍କ ସମର୍ଥନରେ ସମଗ୍ର ଦେଶ ଏବଂ ଜମ୍ମୁ-କାଶ୍ମୀରର ଲୋକମାନେ ଠିଆ ହୋଇଛନ୍ତି। ଜମ୍ମୁ-କାଶ୍ମୀରର ସମସ୍ତ ହିନ୍ଦୁ ଏବଂ ମୁସଲମାନ ଆତଙ୍କବାଦୀଙ୍କ ବିରୁଦ୍ଧରେ ଏକତ୍ରିତ।”
ପହଲଗାମରେ ହୋଇଥିବା ଆତଙ୍କବାଦୀ ଆକ୍ରମଣ ସମ୍ପର୍କରେ ଅସଦୁଦ୍ଦିନ ଓୱେସି ନିବେଦନ କରିଛନ୍ତି, “କାଲି ଯେତେବେଳେ ଆପଣ ନମାଜ-ଏ-ଜୁମ୍ମା କରିବାକୁ ଯିବେ, ହାତରେ କଳା ପଟି ବାନ୍ଧି ଯାଆନ୍ତୁ। ଏହା କରି ଆମେ ଏହି ବାର୍ତ୍ତା ଦେବୁ ଯେ ଆମେ ବିଦେଶୀ ଶକ୍ତିକୁ ଭାରତର ଶାନ୍ତି ଏବଂ ଏକତାକୁ ଦୁର୍ବଳ କରିବାକୁ ଦେବୁ ନାହିଁ। ଏହି ଆକ୍ରମଣ ଯୋଗୁଁ, ଦୁଷ୍ଟମାନଙ୍କୁ ଆମର କାଶ୍ମୀର ଭାଇମାନଙ୍କୁ ଟାର୍ଗେଟ କରିବାର ସୁଯୋଗ ମିଳିଛି। ମୁଁ ସମସ୍ତ ଭାରତୀୟଙ୍କୁ ଶତ୍ରୁର ଫାଶରେ ନପଡ଼ିବାକୁ ନିବେଦନ କରୁଛି।”
ଜମ୍ମୁ ଏବଂ କାଶ୍ମୀର ମୁଖ୍ୟମନ୍ତ୍ରୀ ଓମାର ଅବଦୁଲ୍ଲା ପହଲଗାମ ଆତଙ୍କବାଦୀ ଆକ୍ରମଣ ଉପରେ ଅନୁଷ୍ଠିତ ସର୍ବଦଳୀୟ ବୈଠକ ସମ୍ପର୍କରେ କହିଛନ୍ତି, “ଆମେ ପହଲଗାମରେ ହୋଇଥିବା ଘୃଣ୍ୟ, ଅମାନବୀୟ ଆକ୍ରମଣର ଦୃଢ଼ ନିନ୍ଦା କରୁଛୁ, ଯେଉଁଥିରେ ନିରୀହ ନାଗରିକଙ୍କୁ ଟାର୍ଗେଟ କରି ହତ୍ୟା କରାଯାଇଥିଲା। ସେ ଆହୁରି କହିଛନ୍ତି ଯେ, ଶାନ୍ତିପ୍ରିୟ ନାଗରିକଙ୍କ ବିରୁଦ୍ଧରେ ଏପରି କାପୁରୁଷତାପୂର୍ଣ୍ଣ ବର୍ବରତା ସମାଜରେ କୌଣସି ସ୍ଥାନ ନାହିଁ ଏବଂ ଏହା କାଶ୍ମୀରିୟତର ମୂଲ୍ୟବୋଧ ଏବଂ ଭାରତର ଚିନ୍ତାଧାରା ଉପରେ ସିଧାସଳଖ ଆକ୍ରମଣ, ଯାହା ଦୀର୍ଘ ଦିନ ଧରି ଏହି ଅଞ୍ଚଳରେ ଏକତା, ଶାନ୍ତି ଏବଂ ସଦ୍ଭାବନାର ପ୍ରତୀକ ହୋଇଆସିଛି।
ଏହି କଷ୍ଟକର ସମୟରେ ଆମେ ସମସ୍ତ ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳ ସରକାରଙ୍କୁ କାଶ୍ମୀର ଛାତ୍ର ଏବଂ ନାଗରିକଙ୍କ ସୁରକ୍ଷା ପାଇଁ ଅଟଳ ପ୍ରତିବଦ୍ଧତା ସହିତ ଆଗକୁ ଆସିବାକୁ ନିବେଦନ କରୁଛୁ।”
