ଭୁବନେଶ୍ବର: ପୋଲିସ ଏସଆଇ ଦୁର୍ନୀତି ମାମଲାରେ ଖୋଲୁଛି ଗୁମର। ରିମାଣ୍ଡରେ ଓଗାଳୁଛନ୍ତି କେଳେଙ୍କାରୀର ଷଡ଼ଯନ୍ତ୍ର । ଚାରି ଅଭିଯୁକ୍ତଙ୍କୁ ଭୁବନେଶ୍ବର ସିବିଆଇ ଅଫିସରେ ଚାଲିଛି ମାରାଥନ ଜେରା । ଚାରି ଅଭିଯୁକ୍ତ ଲୋକନାଥ ସାହୁ, ତଫିମ୍ ଅହମଦ, ବିଶ୍ଵ ରଞ୍ଜନ ବେହେରା, ବିଶ୍ଵ ରଞ୍ଜନ ହରିଚନ୍ଦନ ପୃଥକ ପୃଥକ ଭାବେ ଜେରା କରୁଛନ୍ତି CBI ଭୁବନେଶ୍ୱର ACB DIG ଅଖିଳେଶ ସିଂହ । ଶଙ୍କର ପୃଷ୍ଟି ର ସହଯୋଗୀ ଲୋକନାଥ ସାହୁକୁ ନେଇ ଚାକିରି କେଳେଙ୍କାରୀ ଆର୍ଥିକ କାରବାର ଖିଅ ଖୋଜୁଛି ସିବିଆଇ। ନଗଦ ଟଙ୍କା ନା ଅନଲାଇନରେ ହୋଇଥିଲା ଟଙ୍କା କାରବାର। ଚାକିରି କେଳେଙ୍କାରୀ ର ଟଙ୍କା କେଉଁ ଆଡେ ହୋଇଛି ବିନିଯୋଗ ।
ଆର୍ଥିକ କାରବାରରେ ଆଉ କାହାର ରହିଛି ସଂପୃକ୍ତି । ସିବିଆଇ ଜେରା ବେଳେ କିଛି ବ୍ୟାଙ୍କ ଆକାଉଣ୍ଟର ଲାଗିଛି ସୁରାକ । କନଷ୍ଟେବଳ ଥିବା ବିଶ୍ବରଞ୍ଜନ ଚାକିରି ଆଶାୟୀଙ୍କଠୁ ଅର୍ଜିନାଲ ସାର୍ଟିଫିକେଟ ନେବା ପଛର ରାଜ ଖୋଜୁଛି ସିବିଆଇ । ସାର୍ଟିଫିକେଟ ବନ୍ଧକ ରଖି ଆଶାୟୀ କରୁଥିଲେ ଡିଲ । ବିଶ୍ବ ରଞ୍ଜନଙ୍କ ଏହା ପଛରେ କିଭଳି ଭୂମିକା ରହିଥିଲା ସେନେଇ ମାରାଥାନା ଜେରା କରିଛି ସିବିଆଇ । ସେହିପରି ତଫିନ ଅହମଦ ଓ ବିଶ୍ବଜିତ ହରିଚନ୍ଦନ ମଧ୍ୟ ଜେରା କରୁଛି ସିବିଆଇ । ଆସନ୍ତା କାଲି ବିଭିନ୍ନ ସ୍ଥାନରେ ରେଡ କରିପାରେ ସିବିଆଇ ।
