ନୂଆଦିଲ୍ଲୀ : ନ୍ୟାଶନାଲ ଟେଷ୍ଟିଂ ଏଜେନ୍ସି (NTA) ଶୁକ୍ରବାର ବିଳମ୍ବିତ ରାତିରେ ଦେଶର ସର୍ବବୃହତ ଇଞ୍ଜିନିୟରିଂ ପ୍ରବେଶିକା ପରୀକ୍ଷା ଯୁଗ୍ମ ପ୍ରବେଶିକା ପରୀକ୍ଷା ମୁଖ୍ୟ (JEE MAIN) ୨୦୨୫ର ଫଳାଫଳ ପ୍ରକାଶ କରିଛି।
ଦୁଇଜଣ ଝିଅ ସମେତ ୨୪ ଛାତ୍ରୀଛାତ୍ର JEE (ମେନ) ରେ ଶତ ପ୍ରତିଶତ ନମ୍ବର ରଖି କୃତାକାର୍ଯ୍ୟ ହୋଇଛନ୍ତି। ପରୀକ୍ଷା ଜାନୁଆରୀ ଏବଂ ଏପ୍ରିଲରେ ଦୁଇଟି ଅଧିବେଶନରେ ଅନୁଷ୍ଠିତ ହୋଇଥିଲା। ଏଥର ୧୫,୩୯,୮୪୮ ଜଣ ପରୀକ୍ଷାର୍ଥୀ ଆବେଦନ କରିଥିଲେ, ଯେଉଁଥିରୁ ୧୪,୭୫,୧୦୩ ଜଣ ପରୀକ୍ଷା ଦେଇଥିଲେ। ଏହା ସହିତ, JEE ଆଡଭାନ୍ସଡ 2025 ପାଇଁ କଟ୍-ଅଫ୍ ପ୍ରକାଶ ପାଇଛି, ଯେଉଁଥିରେ ୨,୫୦,୨୩୬ ଜଣ ପରୀକ୍ଷାର୍ଥୀ କୃତକାର୍ଯ୍ୟ ହୋଇଛନ୍ତି। ନ୍ୟାଶନାଲ ଟେଷ୍ଟିଂ ଏଜେନ୍ସି ଏପ୍ରିଲ ସେସନର ଚୂଡ଼ାନ୍ତ Answer Key ମଧ୍ୟ ସରକାରୀ ଓ୍ବେବ୍ସାଇଟ୍ରେ ଅପଲୋଡ କରିଛି। ପ୍ରାର୍ଥୀମାନେ https://jeemain.nta.nic.in/କୁ ଯାଇ ସେମାନଙ୍କର ଫଳାଫଳ ଏବଂ ଉଭୟ ଅଧିବେଶନର ମିଳିତ ଶତ ପ୍ରତିଶତ ନମ୍ବର ଯାଞ୍ଚ କରିପାରିବେ।
