ଗୁଜରାଟର ଶୋଚନୀୟ ପରାଜୟ । ପ୍ରଥମ ଦଳ ଭାବେ ଫାଇନାଲରେ RCB । ଅଧିନାୟକ ରଜତ ପାଟିଦାରଙ୍କ ଧମାକାଦାର ଇନିଂସ ପରେ ବୋଲରଙ୍କ ଘାତକ ବୋଲିଂ। ପ୍ରଥମ କ୍ଵାଲିଫାୟରରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ, ୯୨ ରନର ବିଶାଳ ବ୍ୟବଧାନରେ ଗୁଜରାଟ ଟାଇଟନ୍ସକୁ ହରାଇଛି । ଏହାସହ ଡିଫେଣ୍ଡିଂ ଚାମ୍ପିଅନ ଆରସିବି ଚତୁର୍ଥ ଥର ଫାଇନାଲରେ ପହଞ୍ଚିଛି। ଧର୍ମଶାଳାରେ ଖେଳା ଯାଇଥିବା ଏକତରଫା ମ୍ୟାଚରେ ପ୍ରଥମେ ବ୍ୟାଟିଂ କରି ବେଙ୍ଗାଲୁରୁ ରଜତ ପାଟିଦାରଙ୍କ ୯୩ ରନର ଇନିଂସ ଏବଂ ବ୍ୟାଟରଙ୍କ ଉପଯୋଗୀ ରନ ବଳରେ ୫ ଓ୍ଵିକେଟ୍ ହରାଇ ୨୫୪ ରନର ବିଶାଳ ସ୍କୋର କରିଥିଲା। ଜବାବରେ ଗୁଜରାଟ ବ୍ୟାଟିଂ ବିପର୍ଯ୍ୟୟ ଭୋଗି ୧୬୨ ରନ କରି ପାରିଛି ।
ରାହୁଲ ତେଓ୍ଵତିଆ(୬୮ ରନ)ଙ୍କୁ ବାଦ୍ ଦେଲେ ବାକି ବ୍ୟାଟର ନିରାଶ କରିଥିଲେ। ୨୫୫ ରନର ବିଶାଳ ବିଜୟ ଲକ୍ଷ୍ୟ ପିଛା କରିଥିବା ଗୁଜରାଟ ଟାଇଟନ୍ସ ଆରମ୍ଭରୁ ବ୍ୟାଟିଂ ବିପର୍ଯ୍ୟୟ ଭୋଗିଥିଲା। ଜୋସ ବଟଲର ବିସ୍ଫୋରକ ବ୍ୟାଟିଂ କରି ୧୧ ବଲରୁ ୨୯ ରନ କରିଥିଲେ ହେଁ ବଡ଼ ସ୍କୋର କରିବାରେ ବିଫଳ ହୋଇଥିଲେ। ରାହୁଲ ତେଓ୍ଵତିଆ ଶେଷ ଆଡ଼କୁ ଅର୍ଦ୍ଧଶତକୀୟ ଇନିଂସ ଖେଳି ଗୁଜରାଟର ସମ୍ମାନ ରଖିଛନ୍ତି। ସେ ୬୮ ରନ କରି ଆଉଟ୍ ହୋଇଥିଲେ। ବୋଲିଂରେ ଆରସିବି ପକ୍ଷରୁ ଜାବକ ଡଫି ସର୍ବାଧିକ ୩ଟି ଓ୍ଵିକେଟ୍ ନେଇଥିବା ବେଳେ ଭୁବନେଶ୍ଵର କୁମାର, ରଶିଖ ସଲାମ ଡାର ଓ କୃଣାଲ ପାଣ୍ଡ୍ୟା ପ୍ରତ୍ୟେକ ୨ଟି ଲେଖାଏଁ ଓ୍ଵିକେଟ୍ ନେଇ ଦଳ ବିଜୟରେ ଯୋଗଦାନ ଦେଇଛନ୍ତି।
