କଟକ : ଫୁଲିଲା ମହାନଦୀ । ଉତ୍ତର ବାଙ୍କୀର ସୁବର୍ଣ୍ଣପୁରରୁ ତିଗିରିଆକୁ ସଂଯୋଗ କରୁଥିବା ହୁଳୁହୁଳା ପୋଲ ଉପରେ ପାଞ୍ଚ ଫୁଟର ବନ୍ୟା ଜଳ। ଯାତାୟତ ଏକ ପ୍ରକାର ଠପ୍ ହୋଇଯାଇଛି । ବାଙ୍କୀ ର ଦୁଇଟି ପଞ୍ଚାୟତର ଅନେକ ଗାଁ ବାହ୍ୟ ଜଗତରୁ ବିଛିନ୍ନ । ତିଗିରିଆ ବ୍ଲକ୍ ଓ ଉତ୍ତର ବାଙ୍କୀ ର ଦଶରୁ ଅଧିକ ଗାଁ ବାହ୍ୟ ଜଗତରୁ ବିଚ୍ଛିନ୍ନ ନେଇ ସୂଚନା,ତିଗିରିଆ ଓ ବାଙ୍କୀ ପ୍ରସାଶନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି । ସେହିଭଳି ରଣ ନଦୀ ରେ ପାଣି ଆସିବାରୁ ଶିମିଳିପୁର ଗ୍ରାମ ପଞ୍ଚାୟତର ଶୁଖୁଆ ଖଳା ବାହ୍ୟ ଜଗତରୁ ବିଚ୍ଛିନ୍ନ ହୋଇଛି ।
ସୂଚନାନୁଯାୟୀ,ଉତ୍ତର ବାଙ୍କୀର ସୁବର୍ଣ୍ଣପୁରରୁ ତିଗିରିଆକୁ ସଂଯୋଗ କରୁଥିବା ହୁଳୁହୁଳା ପୋଲ ଉପରେ ପ୍ରାୟ ପାଞ୍ଚ ଫୁଟ ଉଚ୍ଚରେ ବନ୍ୟାଜଳ ପ୍ରବାହିତ ହେଉଛି। ଫଳରେ ପୋଲ ଉପରେ ଯାତାୟାତ ସମ୍ପୂର୍ଣ୍ଣ ବନ୍ଦ ହୋଇପଡ଼ିଛି ଏବଂ ସାଧାରଣ ଲୋକଙ୍କ ଯାତାୟାତ ବ୍ୟାହତ ହୋଇଛି। ବାଙ୍କୀର ଦୁଇଟି ପଞ୍ଚାୟତ ସମେତ ତିଗିରିଆ ବ୍ଲକର ଦଶରୁ ଅଧିକ ଗାଁ ବାହ୍ୟ ଜଗତରୁ ବିଚ୍ଛିନ୍ନ ହୋଇଥିବା ସୂଚନା ମିଳିଛି। ସ୍ଥାନୀୟ ଲୋକମାନେ ନିତ୍ୟ ବ୍ୟବହାର ସାମଗ୍ରୀ ଓ ଜରୁରୀ ସେବା ପାଇଁ ଅସୁବିଧାର ସମ୍ମୁଖୀନ ହେଉଛନ୍ତି। ଏପରି ପରିସ୍ଥିତିକୁ ଦୃଷ୍ଟିରେ ରଖି ତିଗିରିଆ ଓ ବାଙ୍କୀ ପ୍ରଶାସନ ପକ୍ଷରୁ ସତର୍କତା ଜାରି କରାଯାଇଛି। ବନ୍ୟା ପ୍ରଭାବିତ ଅଞ୍ଚଳରେ ନଜର ରଖିବା ସହ ଉଦ୍ଧାରକାରୀ ଦଳ ଓ ଅଗ୍ନିଶମ ବିଭାଗକୁ ପ୍ରସ୍ତୁତ ରଖାଯାଇଛି। ପ୍ରଶାସନ ଲୋକଙ୍କୁ ଅନାବଶ୍ୟକ ଭାବେ ବନ୍ୟାଜଳ ଅତିକ୍ରମ ନ କରିବାକୁ ଅନୁରୋଧ କରିବା ସହ ପରିସ୍ଥିତି ଉପରେ କଡ଼ା ନଜର ରଖିଛି।
