ବାଣ ବିସ୍ଫୋରଣରେ ଜଳିଗଲା ୩ ବଖରା

କେନ୍ଦ୍ରାପଡ଼ା : ବାଣ ବିସ୍ଫୋରଣରେ ଜଳିଗଲା ୩ ବଖରା । ଏଥିସହ ଅଗ୍ନିକାଣ୍ଡରେ ଜଣେ ବୃଦ୍ଧା ଗୁରୁତର ହୋଇଛନ୍ତି । ଏଭଳି ଅଘଟଣ ଦେଖିବାକୁ ମିଳିଛି କେନ୍ଦ୍ରାପଡ଼ା ଜିଲ୍ଲା ମହାକାଳପଡା ବ୍ଲକ ଓସ୍ତର ଗ୍ରାମରେ । ବିଳାସି ମଲ୍ଲିକ ନାମକ ବୃଦ୍ଧା ଗୁରୁତର ହୋଇଛନ୍ତି । ତାଙ୍କୁ ଗୁରୁତର ଅବସ୍ଥାରେ କେନ୍ଦ୍ରାପଡ଼ା ଜିଲ୍ଲା ମୁଖ୍ଯ ଚିକିତ୍ସାଳୟରେ ଭର୍ତ୍ତି କରାଯାଇଛି । ଗାଁର ଆନ୍ଦିକନ୍ଦ ମଲ୍ଲିକ ବାଣ ତିଆରି କରି ଘରେ ରଖିଥିବା ବେଳେ ଆଜି ଅପରାହ୍ଣରେ କୌଣସି କାରଣରୁ ବାଣ ବିସ୍ଫୋରଣ ହୋଇଥିଲା। ଘଟଣାସ୍ଥଳରେ ପୋଲିସ ଓ ଦମକଳ ବାହୀନି ପହଁଚି ନିଆଁ ଲିଭାଇଛନ୍ତି। ବାଣ ବିସ୍ଫୋରଣ ପାଇଁ ନିଆଁ ଲିଭା କାର୍ଯ୍ୟରେ ବାଧା ସୃଷ୍ଟି ହୋଇଥିଲା ।