ନୂଆଦିଲ୍ଲୀ : ବୈଥୀଶ୍ୱରନ କୋଏଲ ପ୍ରଭୁ ଶିବ ମନ୍ଦିର ଏକ ପ୍ରସିଦ୍ଧ ହିନ୍ଦୁ ମନ୍ଦିର। ଏହା ଭାରତର ତାମିଲନାଡୁ ରାଜ୍ୟରେ ସ୍ଥିତ। ଏହି ମନ୍ଦିର ଖୁବ୍ ଲୋକପ୍ରିୟ ଓ ପ୍ରସିଦ୍ଧ ମଧ୍ୟ। ଏହି ମନ୍ଦିର ଦେବତାଙ୍କୁ ସ୍ୱାସ୍ଥ୍ୟର ଦେବତା ରୂପେ ଜଣାଶୁଣା। ଏଠାରେ ବୈଥୀଶ୍ୱରନଙ୍କ ରୂପରେ ପୂଜା କରାଯାଏ । ଏହାର ଅର୍ଥ ଚିକିତ୍ସାର ଦେବତା।
ମାନ୍ୟତା ଅନୁଯାୟୀ, ବୈଥୀଶ୍ୱରନଙ୍କ ନିକଟରେ ପ୍ରାର୍ଥନା ଦ୍ୱାରା ସମସ୍ତ ରୋଗରୁ ମୁକ୍ତି ମିଳିଥାଏ। ବୈଥୀଶ୍ୱରନ ଶବ୍ଦର ଅର୍ଥ ହେଉଛି ବୈଦ୍ୟ ଅର୍ଥାତ୍ ଚିକିତ୍ସକ ଓ ଈଶ୍ୱର। ଏହା ନବ ଗ୍ରହଙ୍କ ସହ ଜଡିତ ନଅଟି ମନ୍ଦିର ମଧ୍ୟରୁ ଗୋଟିଏ ଓ ମଙ୍ଗଳ ଗ୍ରହଙ୍କ ସହ ଜଡିତ ବୋଲି କୁହାଯାଏ ।ମନ୍ଦିରର ମୁଖ୍ୟଦ୍ୱାର ପାଞ୍ଚ ମହଲା ବିଶିଷ୍ଟ। ମନ୍ଦିରର କାରୁକାର୍ଯ୍ୟ ଉଚ୍ଚକୋଟରୀର। ଚିନ୍ଦବରମରୁ ପ୍ରାୟ ୩୦ କିମି ଦୂରରେ ଥିବା ଏହି ମନ୍ଦିର ଏବଂ ଆଖପାଖର ଗାଁଟି ତାଳପତ୍ର ଜ୍ୟୋତିଷ ବା ‘ନାଡ଼ି ଶାସ୍ତ୍ର’ର ପ୍ରସିଦ୍ଧ କଳା ପାଇଁ ମଧ୍ୟ ପ୍ରସିଦ୍ଧ। ଏଠାରେ ଭଗବାନଙ୍କୁ ଲୁଣ ଏବଂ ଗୁଡ଼ ଅର୍ପଣ କଲେ ସ୍ୱାସ୍ଥ୍ୟ ଲାଭ ମିଳିଥାଏ ବୋଲି ବିଶ୍ୱାସ କରାଯାଏ। ମନ୍ଦିରର ପ୍ରବେଶ ଦ୍ୱାର ନିକଟରେ ଏକ ଛୋଟ ବଜାର ଅଛି ଯେଉଁଠାରେ ପୂଜା ସାମଗ୍ରୀ, ଫୁଲ ଏବଂ ଅନ୍ୟାନ୍ୟ ଜିନିଷ ଉପଲବ୍ଧ। ଏଠାକୁ ପରିଦର୍ଶନ କଲେ, ଏହି ଗାଁର ସଂସ୍କୃତି ଏବଂ ପରମ୍ପରାକୁ ନିକଟରୁ ଦେଖିହେବ। ବୈଥୀଶ୍ୱରନ କୋଏଲ ହେଉଛି ଏକ ବଡ଼ ଏବଂ ପ୍ରାଚୀନ ମନ୍ଦିର ଯାହା ୧୦.୭ ଏକର ଜମିରେ ବ୍ୟାପିଛି। କୁହାଯାଏ ଯେ ଏହି ମନ୍ଦିରକୁ ରୋଗରୁ ମୁକ୍ତି ଏବଂ ଉତ୍ତମ ସ୍ୱାସ୍ଥ୍ୟ ପାଇବା ପାଇଁ ବିଶେଷ ବିବେଚନା କରାଯାଏ। ମନ୍ଦିରରେ ଏକ ପାଞ୍ଚ ମହଲା ବିଶିଷ୍ଟ ଗୋପୁରମ (ମୁଖ୍ୟ ଦ୍ୱାର)ଏବଂ ଏହାର ଭିତରେ ଅନେକ ପ୍ରାଙ୍ଗଣ (ଖୋଲା ସ୍ଥାନ) ଅଛି। ଭଗବାନ ଶିବ ଗର୍ଭଗୃହରେ ଶିବଲିଙ୍ଗ ରୂପରେ ରହିଛନ୍ତି। ପ୍ରଥମ ପ୍ରାଙ୍ଗଣରେ ଭଗବାନ ମୁରୁଗନଙ୍କ ପ୍ରତିମା ସହିତ ନଟରାଜ, ସୋମସ୍କନ୍ଦ, ଦୁର୍ଗା, ସୂର୍ଯ୍ୟଦେବ ଏବଂ ଅନ୍ୟାନ୍ୟ ଦେବା ଏବଂ ଦେବୀଙ୍କ ପ୍ରତିମା ରହିଛି। ଦ୍ୱିତୀୟ ପ୍ରାଙ୍ଗଣରେ ଦେବୀ ଥାୟାଲନାୟକୀଙ୍କ ମନ୍ଦିର ଅଛି ଯିଏ ଔଷଧୀୟ ତେଲ ସହିତ ଠିଆ ହୋଇଛନ୍ତି ଏବଂ ଭକ୍ତମାନଙ୍କୁ ସେମାନଙ୍କର ରୋଗ ଆରୋଗ୍ୟ କରିବା ପାଇଁ ଆଶୀର୍ବାଦ ଦେଉଛନ୍ତି।
ମନ୍ଦିର ନିକଟରେ ଏକ ପବିତ୍ର ଜଳ ପୁଷ୍କରିଣୀ ଅଛି ଯାହାକୁ ଔଷଧୀୟ ଗୁଣରେ ପରିପୂର୍ଣ୍ଣ ବୋଲି ବିବେଚନା କରାଯାଏ। ଲୋକମାନେ ଏହାର ପାଣିକୁ ଘରକୁ ନେଇ ଔଷଧ ଭାବରେ ବ୍ୟବହାର କରନ୍ତି। ମନ୍ଦିରଟି ପ୍ରତିଦିନ ସକାଳ ୬:୦୦ ରୁ ରାତି ୮:୩୦ ପର୍ୟ୍ୟନ୍ତ ଖୋଲା ରହିଥାଏ। ହଜାର ହଜାର ଭକ୍ତ ଏଠାକୁ ସ୍ୱାସ୍ଥ୍ୟ ଏବଂ ମଙ୍ଗଳଙ୍କ ଆଶୀର୍ବାଦ ପାଇବା ପାଇଁ ଆସନ୍ତି।ମନ୍ଦିରର ପବିତ୍ର ଗଛ ହେଉଛି “ନିମ” ଯାହାକୁ ଔଷଧୀୟ ଗୁଣ ମଧ୍ୟ କୁହାଯାଏ। ଏଠାରେ ମଙ୍ଗଳ ଗ୍ରହର ବିଶେଷ ପୂଜା କରାଯାଏ ଯାହା ଜୀବନରେ ବାଧା ଦୂର କରେ ବୋଲି ବିଶ୍ୱାସ କରାଯାଏ।
ଏଠାରେ ନବଗ୍ରହ (ନଅଟି ଗ୍ରହ)ଙ୍କ ମୂର୍ତ୍ତିଗୁଡ଼ିକ ଗୋଟିଏ ଧାଡ଼ିରେ ସ୍ଥାପିତ ହୋଇଛି ଯାହା ଏହାକୁ ଅନ୍ୟ ମନ୍ଦିରଠାରୁ ଭିନ୍ନ କରିଥାଏ। ପ୍ରତି ମଙ୍ଗଳବାର ମନ୍ଦିର ଭିତରେ ଏକ ଶୋଭାଯାତ୍ରାରେ ମଙ୍ଗଳ ଗ୍ରହଙ୍କ ଏକ ସ୍ୱତନ୍ତ୍ର ମୂର୍ତ୍ତି ବାହାର କରାଯାଏ। ଏହି ମନ୍ଦିର ସ୍ୱାସ୍ଥ୍ୟ, ଶାନ୍ତି ଏବଂ ସମୃଦ୍ଧି କାମନା କରିବା ପାଇଁ ପ୍ରସିଦ୍ଧ।
