ବିଦେଶରେ ପୁଣି ପାଳିତ ହେଲା ଅଦିନିଆ ରଥଯାତ୍ରା

କଥା ମାନୁନି ଇସ୍କନ। ପୁଣି ବିଦେଶରେ ଅଦିନିଆ ରଥଯାତ୍ରା। ଜର୍ମାନୀର ୱିସ୍‌ବାଡେନରେ ଅଦିନିଆ ରଥଯାତ୍ରା ପାଳନ କରିଛି ଇସ୍କନ । ସେପଟେ ଆମେରିକାର ନ୍ୟୁୟର୍କ ସହରରେ ମଧ୍ୟ ରଥଯାତ୍ରା ପାଳନ କରିଛି । ତେବେ ଇସ୍କନ ପକ୍ଷରୁ ଏପରି ଅଦିନିଆ ରଥଯାତ୍ରାକୁ ନେଇ  ବିବାଦ ଦେଖାଦେଇଥିବା ବେଳେ ଏଥିରେ ରୋକ ଲାଗୁନି । ବିଶ୍ବର ବିଭିନ୍ନ ଜାଗାରେ ଏପରି ଅଦିନିଆ ରଥଯାତ୍ରା ପାଳନ କରାଯାଇଛି । ଖାଲି ନ୍ୟୁୟର୍କ ନୁହେଁ, ଏହାପୂର୍ବରୁ ଆମେରିକାର ବିଭିନ୍ନ ସହରରେ ଏପରି କରାଯାଇଛି । ଏହାସହ ଇଂଲଣ୍ଡର ଲଣ୍ଡନ, ଦକ୍ଷିଣ ଆଫ୍ରିକାର ପ୍ରିଟୋରିଆ,  ଅଷ୍ଟ୍ରେଲିଆର ସିଡନୀ ସହରରେ ଅଦିନିଆ ରଥଯାତ୍ରା ପାଳନ କରିଛି ଇସ୍କନ । ଏହାକୁ ନେଇ ଜଗନ୍ନାଥପ୍ରେମୀଙ୍କ ବିରୋଧ କରାଯାଉଛି । ଗଜପତି ମହାରାଜ, ଶ୍ରୀମନ୍ଦିର ପ୍ରଶାସନ ଓ ରାଜ୍ୟ ସରକାର ମଧ୍ୟ ଏନେଇ ଇସ୍କନକୁ ଅଦିନିଆ ରଥଯାତ୍ରା ବନ୍ଦ କରିବାକୁ ଇସ୍କନକୁ କହି ସାରିଛନ୍ତି, ହେଲେ ଇସ୍କନ ମାନିବାକୁ ନାରାଜ ।