ସେହି ଗାଁର ସନାତନ କମଳା ସେଠୀଙ୍କ ପୁଅ ଶୁକଦେବ ଉଚ୍ଚ ଶିକ୍ଷିତ ଯୁବକ। ମ୍ୟାନେଜମେଣ୍ଟ ପାଠ ସାରି ମାଲଦୀପରେ ଚାକିରୀ ପାଇଁ ଯାଇଥିଲେ। ସେଠାରେ ହୋଟେଲ ଶିଳ୍ପରେ ଚାକିରୀ କରୁଥିବା ବେକେ ଟୁରରେ ବୁଲିବାକୁ ଆସିଥିବା ୟୁରୋପର କ୍ରୋଏସିଆର ଯୁବତୀ ତମରା ସହିତ ଭେଟ ହୋଇଥିଲା। ଉଭୟଙ୍କ ମଧ୍ୟରେ ପ୍ରଥମେ ବନ୍ଧୁତା ପରେ ପ୍ରେମ ସମ୍ପର୍କ ସୃଷ୍ଟି ହୋଇଥିଲା। ପ୍ରେମର ନିବିଡ଼ତା ମଧ୍ୟରେ ଉଭୟ ଜୀବନ ସାଥି ଭାବେ ରହିବାକୁ ନିଷ୍ପତି ନେଇଥିଲେ। ଭାରତୀୟ ସଂସ୍କୃତି ଆଉ ଓଡ଼ିଶାର ପରମ୍ପରା ଓ ଚଳଣି ସମ୍ପର୍କରେ ଶୁକଦେବ ତମରାକୁ ବୁଝାଇଥିଲା।
ବିବାହର ବହୁ ପୂର୍ବରୁ ତମରକୁ ଗାଁକୁ ବୁଲାଇ ଆଣିଥିଲା ଶୁକଦେବ। ଓଡ଼ିଆ ପରିବାରର ଚଳନୀକୁ କିଛି କିଛି ବୁଝିବାକୁ ଚେଷ୍ଟା ତମରା। ଅନ୍ୟପଟେ ପୁଅ ସାଥିରେ ବିଦେଶୀ ଝିଅକୁ ଦେଖି ଖୁବ ଚିନ୍ତାରେ ପଡ଼ିଥିଲେ ପରିବାର। ଇତି ମଧ୍ୟରେ ୫ ବର୍ଷର ସୁକଦେବ ଆଉ ତମରାଙ୍କ ପ୍ରେମ ଖୁବ ନିବିଡ଼ ହୋଇଥିଲା। ପରିବାର କିନ୍ତୁ ପୁଅର ବିଦେଶୀ ଝିଅ ପ୍ରେମକୁ ବାରଣ କରିଆସିଥିଲେ। ତମରା ବିଦେଶରୁ ଭିଡ଼ିଓ କଲର ଭାବି ସ୍ୱାମୀଙ୍କ ପରିବାର ସହିତ ମନ ଜିନିବାକୁ ଚେଷ୍ଠାକରି ସଫଳ ହୋଇଥିଲା। ଶେଷରେ ପୁଅ ଝିଅଙ୍କ ପ୍ରେମକୁ ପରିବାର ସ୍ୱୀକୃତି ଦେଇଥିଲେ। ସୁଦୂର କ୍ରେଏସିଆରୁ ତମରା ଏକାକୀ ଦିଲ୍ଲୀରେ ପହଁଚିବା ପରେ ସୁକଦେବ ଭାରତର ବିଭିନ୍ନ ସ୍ଥାନ ବୁଲାଇ ଘରକୁ ଆଣିଥିଲା ତମରକୁ। ବିବାହର ଦିନ ଧାର୍ଯ୍ୟ ହେବା ପରେ ବାହାଘର ପାଇଁ ଉଭୟ ପ୍ରସ୍ତୁତ ହୋଇଥିଲେ।
