ସାଲେପୁର : କଟକ ମାହାଙ୍ଗା ସ୍ଥିତ ବିରୂପା ନଦୀରେ ବୁଡ଼ି ଯୁବକଙ୍କ ମୃତ୍ୟୁ । ମୃତକ ହେଲେ ସ୍ଥାନୀୟ କାଳିଅଣ୍ଟି ଗାଁର ପଦ୍ମଲୋଚନ ଜେନା । ଗୁଣୁପୁର ବିରୂପା ନଦୀ କୂଳରେ ଥିବା ଶନି ମନ୍ଦିରକୁ ଜଳାଭିଷେକ କରିବାକୁ ସାଙ୍ଗ ମୃତ୍ୟୁଞ୍ଜୟ ସେଠୀଙ୍କ ସହ ଯାଇଥିଲେ ପଦ୍ମଲୋଚନ ।
ନଦୀ ଆରପଟୁ ପାର ହୋଇ ଆସୁଥିବା ବେଳେ ହଠାତ ପାଣି ଭିତରକୁ ଧସି ହୋଇ ବୁଡ଼ିଗଲେ ପଦ୍ମଲୋଚନ । ଜୀବନ ବିକଳରେ ସାଙ୍ଗରେ ଆସିଥିବା ମୃତ୍ୟୁଞ୍ଜୟ କୂଳକୁ ଆସି ସ୍ଥାନୀୟ ଲୋକେଙ୍କୁ ଡାକ ପକାଇବାରୁ ସ୍ଥାନୀୟ ଲୋକେ ନଦୀ ଭିତରୁ ପଦ୍ମଲୋଚନକୁ ଉଦ୍ଧାର କରି ମାହାଙ୍ଗା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠାଇଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ମାହାଙ୍ଗା ପୋଲିସ ଘଟଣସ୍ଥଳରେ ପହଞ୍ଚି ଶବ ଜବତ କରି ବ୍ୟବଚ୍ଛେଦ ନିମନ୍ତେ କଟକ ପଠାଇବା ସହ ତଦନ୍ତ ଆରମ୍ଭ କରିଛି ।
