ପାଟନା : ବିହାରରେ ନିର୍ମାଣ ହେବ ସୀତା ମା’ ଙ୍କ ଭବ୍ୟ ମନ୍ଦିର । ଏମିତି ଘୋଷଣା କରିଛନ୍ତି ବିହାର ମୁଖ୍ୟମନ୍ତ୍ରୀ ନୀତିଶ କୁମାର । ମାତା ସୀତାଙ୍କ ଜନ୍ମସ୍ଥଳୀ ସୀତାମାଢ଼ିରେ ନିର୍ମାଣ ହେବ ଏହି ମନ୍ଦିର । ଅଯୋଧ୍ୟା ଢ଼ାଞ୍ଚାରେ ଏହି ଭବ୍ୟ ମନ୍ଦିର ନିର୍ମାଣ ହେବ । ଏଥିସହ ମନ୍ଦିର ନିକଟବର୍ତ୍ତି ଅଞ୍ଚଳରେ ମଧ୍ୟ ଅନେକ ଧାର୍ମିକ ଓ ସାଂସ୍କୃତିକ ସ୍ଥାନର ବିକାଶ କରାଯିବ ।
ମନ୍ଦିରର ସମ୍ପୁର୍ଣ୍ଣ ଡିଜାଇନ ପ୍ରସ୍ତୁତ ସରିଛି । ପାରମ୍ପରିକ କଳା ଓ ସ୍ଥାପତ୍ୟ ଶୈଳୀରେ ମନ୍ଦିର ନିର୍ମାଣ କରାଯିବ । ଏହି ମନ୍ଦିର ନିର୍ମାଣ ଦ୍ବାରା ରାଜ୍ୟରେ . କେବଳ ଧାର୍ମିକ ବିକାଶ ଘଟିବ ନାହିଁ, ଏହା ଦ୍ବାରା ରୋଜଗାର ସୃଷ୍ଟି ହେବା ସହ ସ୍ଥାନୀୟ ଲୋକଙ୍କ ରୋଜଗାରେ ବୃଦ୍ଧି ଘଟିବ ବୋଲି ମୁଖ୍ୟମନ୍ତୀ ନୀତିଶ କୁମାର କହିଛନ୍ତି । ମନ୍ଦିରର ଡିଜାଇନ ମଧ୍ୟ ସେୟାର କରିଛନ୍ତି ମୁଖ୍ୟମନ୍ତୀ ନୀତିଶ କୁମାର । ଖୁବ ଶୀଘ୍ର ମନ୍ଦିର ପାଇଁ ଏକ ଟ୍ରଷ୍ଟ ଗଠନ କରାଯିବ । ଟ୍ରଷ୍ଟ ଗଠନ ପରେ ମନ୍ଦିରର ନିର୍ମାଣ କାର୍ଯ୍ୟ ଆରମ୍ଭ ହେବ ।
