ବେଙ୍ଗାଲୁରୁ : ବେଙ୍ଗାଲୁରୁର ଜିନ୍ଦର ଫ୍ଲାଏଓଭର ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା । ଦୁର୍ଘଟଣାରେ ୫ ଜଣଙ୍କ ଜୀବନ ଚାଲିଯାଇଥିବା ଜଣାପଡିଛି । ଏକ ଦ୍ରୁତଗତିରେ ଆସୁଥିବା କାର୍ ଅନିୟନ୍ତ୍ରିତ ହୋଇ ରୋଡ୍ ଡିଭାଇଡର ସହିତ ଧକ୍କା ହୋଇ ସାମ୍ନାରୁ ଆସୁଥିବା କର୍ଣ୍ଣାଟକ ଷ୍ଟେଟ ରୋଡ ଟ୍ରାନ୍ସପୋର୍ଟ କର୍ପୋରେସନ ବସ୍ ସହିତ ଧକ୍କା ହୋଇଥିଲା । ଦୁର୍ଘଟଣା ପରେ ଘଟଣା ସ୍ଥଳରେ ପୋଲିସ ଅଧିକାରୀ ପହଞ୍ଚି ତଦନ୍ତ ଆରମ୍ଭ କରିଛି ।
ପୋଲିସ କହିବା ମୁତାବକ, ବସରେ ମୋଟ୍ ୪୦ ଜଣ ଯାତ୍ରୀ ଥିଲେ, କିନ୍ତୁ କାର ଜୋରଦାର ଧକ୍କା ହେବାରୁ ଏଥିରେ ଥିବା ୫ ଜଣଙ୍କ ଜୀବନ ଚାଲିଯାଇଛି । ବସରେ ଥିବା ଅନେକ ଯାତ୍ରୀଙ୍କୁ ଆଘାତ ଲାଗିଛି । ମୃତକଙ୍କ ପରିଚୟ ଏଯାଏଁ ମିଳିନାହିଁ । ପ୍ରାଥମିକ ତଦନ୍ତରୁ ଜଣାପଡିଛି କି, ଗାଡ଼ିଟି ନିୟନ୍ତ୍ରଣ ହରାଇ ଧକ୍କା ହୋଇଥିବା ଜଣାପଡିଛି ।
ଆହତଙ୍କୁ ଚିକିତ୍ସା ଚାଲିଛି । ବେଙ୍ଗାଲୁରୁ ପୋଲିସ ଏବଂ ଜରୁରୀକାଳୀନ ସେବା ପହଞ୍ଚି ଆହତଙ୍କୁ ନକଟସ୍ଥ ହସପିଟାଲରେ ଭର୍ତ୍ତି କରିଛି । ମୃତ ଦେହ ବ୍ୟବଚ୍ଛେଦ କରାଯାଉଛି । ସୂଚନା ମିଳିବା ପରେ ପରିବାର ଲୋକ ଜଣାଇଦିଆଯିବ ।
