ବେଞ୍ଜାମିନ୍ ନେତାନ୍ୟାହୁଙ୍କ ଗିରଫ ପାଇଁ ୱାରେଣ୍ଟ ଜାରି କଲେ ଅନ୍ତର୍ଜାତୀୟ କୋର୍ଟ

ଇସ୍ରାଏଲ୍ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁ ଏବଂ ପୂର୍ବତନ ପ୍ରତିରକ୍ଷା ମନ୍ତ୍ରୀ ୟୋଭ୍ ଗାଲାଣ୍ଟଙ୍କୁ ମାନବିକତା ବିରୋଧୀ ତଥା ଯୁଦ୍ଧ ଅପରାଧ ପାଇଁ ଅନ୍ତର୍ଜାତୀୟ ଅପରାଧିକ କୋର୍ଟ ଗିରଫ ୱାରେଣ୍ଟ ଜାରି କରିଛନ୍ତି।ଏହି ଆଇନଗତ ପ୍ରକ୍ରିୟାର ଅର୍ଥ ହେଉଛି ଯେ ଆଇସିସିର ୧୨୪ ସଦସ୍ୟ ରାଷ୍ଟ୍ର ଯଦି ନିଜ ଅଞ୍ଚଳରେ ପ୍ରବେଶ କରିବାକୁ ଚାହାଁନ୍ତି ତେବେ ନେତାନ୍ୟାହୁ ଏବଂ ଗାଲାଣ୍ଟଙ୍କୁ ଗିରଫ କରିବାକୁ ବାଧ୍ୟ ହେବେ।ଗୁରୁବାର କୋର୍ଟ କହିଛନ୍ତି ଯେ, ଇସ୍ରାଏଲର ଆବେଦନକୁ ପ୍ରତ୍ୟାଖ୍ୟାନ କରିବାକୁ ସର୍ବସମ୍ମତି କ୍ରମେ ନିଷ୍ପତ୍ତି ନିଆଯାଇଛି। ଏଥିରେ କୁହାଯାଇଛି ଯେ ନେତାନ୍ୟାହୁ ଏବଂ ଗାଲାଣ୍ଟ “ଯୁଦ୍ଧର ପଦ୍ଧତି ଭାବରେ ଅନାହାରର ଅପରାଧ ପାଇଁ ଦାୟୀ ଅଟନ୍ତି”। ଆଇସିସି କହିଛି ଯେ, ଗାଜାର ସାଧାରଣ ନାଗରିକଙ୍କୁ ଖାଦ୍ୟ, ଜଳ, ଔଷଧ, ଚିକିତ୍ସା ସାମଗ୍ରୀ ଏବଂ ଇନ୍ଧନ ଏବଂ ବିଦ୍ୟୁତରୁ ସେମାନେ ଉଦ୍ଦେଶ୍ୟମୂଳକ ତଥା ଜାଣିଶୁଣି ବଞ୍ଚିତ କରାଯାଇଛି। ପୂର୍ବରୁ ନେତାନ୍ୟାହୁଙ୍କ ଆବେଦନ ଆଇସିସି ଖାରଜ କରିସାରିଛି। ତେବେ ଇସ୍ରାଏଲ ଯୁକ୍ତି ଦର୍ଶାଇଛି ଯେ ଆଇସିସି ଦ୍ୱାରା ଅନ୍ୟ କୌଣସି ଗଣତାନ୍ତ୍ରିକ ରାଷ୍ଟ୍ର ପ୍ରତି ଏପରି “ପକ୍ଷପାତକ” ବ୍ୟବହାର କରାଯାଇ ନାହିଁ ଏବଂ ଏହା ଆଇନର ଶାସନ ପାଇଁ ପ୍ରତିବଦ୍ଧ। ସେହିଭଳି ମାନବିକତା ବିରୋଧରେ ଯୁଦ୍ଧ ତଥା ଯୁଦ୍ଧ ଅପରାଧ ପାଇଁ ହାମାସ ନେତା ମହମ୍ମଦ ଦେଫଙ୍କୁ କୋର୍ଟ ଗିରଫ ୱାରେଣ୍ଟ ମଧ୍ୟ ଜାରି କରିଛନ୍ତି। କିନ୍ତୁ ଇସ୍ରାଏଲ ଏକ ମାସ ପୂର୍ବରୁ ଗାଜାରେ ହୋଇଥିବା ଏୟାର ଷ୍ଟ୍ରାଇକରେ ଡିଏଫଙ୍କୁ ହତ୍ୟା କରିଛି।