ପାରାଦୀପ : ପାରାଦୀପରେ ସମୁଦ୍ର ଜଳକୁ ପ୍ରଦୂଷଣ ମୁକ୍ତ କରିବା ପାଇଁ ଭାରତୀୟ ତଟରକ୍ଷୀ ବାହିନୀ ପକ୍ଷରୁ ମକଡ୍ରିଲ । ସମୁଦ୍ର କୂଳଠାରୁ ୩୫ କିଲୋମିଟର ଗଭୀର ସମୁଦ୍ର ଯାଏଁ ମକ୍ ଡ୍ରିଲ୍ କରାଯାଉଛି । ଜାହାଜରୁ ତେଲ ଲିକ୍ ହୋଇ ସମୁଦ୍ରଜଳକୁ ପ୍ରଦୂଷିତ କରିଥାଏ । ଯାହା ସମୁଦ୍ରରେ ଥିବା ଜଳଜୀବଙ୍କ ପାଇଁ ବିପଦ ସୃଷ୍ଟି କରିଥାଏ ।
ଯଦି କୌଣସି ଜାହାଜ ଦୁର୍ଘଟଣାର ସମ୍ମୁଖୀନ ହୁଏ କିମ୍ବା ତୈଳ ଜାହାଜରୁ ତୈଳ ବାହାରେ, ଏହାର ମୁକାବିଲା ପାଇଁ ଆମେ କେତେ ସମର୍ଥ ? ଏହାର ଏକ ଡେମୋ ବା ମକ୍ ଡ୍ରିଲ ଭାରତୀୟ ତଟରକ୍ଷୀ ବାହିନୀ ପକ୍ଷରୁ ଅନୁଷ୍ଠିତ ହୋଇଯାଇଛି । ସମୁଦ୍ରରେ ଘନ ଘନ ପଇଁନ୍ତରା ମାରୁଛି କୋଷ୍ଟଗାର୍ଡ ଜାହାଜ । ଚାରିଆଡ଼େ ବାଜୁଛି ସାଇରନ୍ । ବୋଟ୍ ଯୋଗେ କୋଷ୍ଟଗାର୍ଡର ଯବାନମାନେ ଜାହାଜକୁ ଘେରି ରହି ଚଳାଇଛନ୍ତି ଅପରେସନ ।
