ଟି୨୦ ବିଶ୍ବକପରେ ଭାରତ ସହିତ ମ୍ୟାଚ୍ ଖେଳିବାକୁ ପାକିସ୍ତାନ ମନା କରିବା ପରେ ବିସିସିଆଇର ପ୍ରଥମ ପ୍ରତିକ୍ରିୟା ସାମ୍ନାକୁ ଆସିଛି । ବିସିସିଆଇର ଉପାଧ୍ୟକ୍ଷ ରାଜୀବ ଶୁକ୍ଲା ପାକିସ୍ତାନର ପକ୍ଷକୁ ନେଇ ପ୍ରତିକ୍ରିୟା ଦେଇଛନ୍ତି । ଆଇସିସି ସହିତ କଥାବାର୍ତ୍ତା ହେବା ପରେ ବିସିସିଆଇ ଆଗକୁ ନିଷ୍ପତ୍ତି ନେବ ।
ରାଜୀବ ଶୁକ୍ଲା କହିଛନ୍ତି, ଆଇସିସି ବୟାନ ଜାରି କରିଛି, ସେମାନେ ସ୍ପୋଟର୍ସମ୍ୟାନସିପ୍ ବିଷୟରେ କହିଛନ୍ତି । ଆମେ ଆଇସିସି ସହିତ ସଂପୂର୍ଣ୍ଣ ସହମତ । ଯେପର୍ଯ୍ୟନ୍ତ ଆମେ ଆଇସିସି ସହିତ କଥା ନ ହେଉଛୁ, ସେଯାଏଁ ବିସିସିଆଇ କୌଣସି କମେଣ୍ଟ କରିବ ନାହିଁ ।
ପାକିସ୍ତାନ କ୍ରିକେଟ ଟିମ ଭାରତ ବିପକ୍ଷରେ ଆଗାମୀ ପୁରୁଷ ଟି୨୦ ବିଶ୍ବକପ ମ୍ୟାଚ୍ ଖେଳିବାକୁ ମନା କରିଛି । ଦୁଇ ଦେଶ ମଧ୍ୟରେ ଥିବା ମ୍ୟାଚ ୧୫ ଫେବ୍ଆରୀରେ କଲମ୍ବୋର ପ୍ରେମଦାସ ଷ୍ଟାଡିୟମରେ ଖେଳାଯିବାର ଥିଲା । କିନ୍ତୁ ପାକିସ୍ତାନ ସରକାର ଟିମ ଟୁର୍ଣ୍ଣାମେଣ୍ଟରେ ଭାଗ ନେବା ପାଇଁ କିଛି ସର୍ତ୍ତକୁ ମଞ୍ଜୁରୀ ଦେଇଥିଲା ।
ପାକିସ୍ତାନ ଟିମ୍ ଟି୨୦ ବିଶ୍ବକପ ୨୦୨୬ରେ ଭାରତ, ନାମ୍ବିଆ, ନେଦରଲାଣ୍ଡ, ଏବଂ ୟୁଏସଏ ସହିତ ଗ୍ରୁପ-ଏରେ ସାମିଲ ଥିଲା । ପାକିସ୍ତାନୀ ଟିମ ୭ ଫେ୍ବଆରୀରୁ କଲମ୍ବୋରେ ନେଦରଲାଣ୍ଡ ବିପକ୍ଷରେ ମ୍ୟାଚ୍ ଖେଳିବ । ବାଂଲାଦେଶ କ୍ରିକେଟ ବୋର୍ଡ ସୁରକ୍ଷା କାରଣ ଦର୍ଶାଇ ବିଶ୍ବକପ ଭାରତ ବାହାରେ ଖେଳିବା ପାଇଁ କହିବା ପରେ ଆଇସିସି ଆଗ୍ରହ୍ୟକୁ ମନା କରିଦେଇଥିଲା । ଏହାପରେ ଟି୨୦ ବିଶ୍ବକପ ଖେଳିବାକୁ ମନା କରିଥିଲା ବାଂଲାଦୋ । ତେଣୁ ବାଂଲାଦେଶ ସ୍ଥାନରେ ଗ୍ରୁପ-ସିରେ ସ୍କଟଲାଣ୍ଡକୁ ସାମିଲ କରାଯାଇଥିଲା ।
