ସମୁଦ୍ରରେ ୦.୩ ରୁ ୧ ମିଟର ଉଚ୍ଚର ଲହରୀ ଆସିବାର ଆଶଙ୍କା ରହିଛି। ଇଣ୍ଡୋନେସିଆ କର୍ତ୍ତୃପକ୍ଷ ଉତ୍ତର ମାଲୁକୁ ଏବଂ ଉତ୍ତର ସୁଲାୱେସି ପାଇଁ ‘ସତର୍କ’ ସୂଚନା ଜାରି କରିଛନ୍ତି। ମାନାଡୋ ସହରରେ ଭୂକମ୍ପ ଝଟକା ପରେ ଲୋକମାନେ ଆତଙ୍କିତ ହୋଇ ଘରୁ ବାହାରକୁ ପଳାଇ ଆସିଥିଲେ। ତେବେ ବର୍ତ୍ତମାନ ସୁଦ୍ଧା କୌଣସି ବଡ଼ ଧରଣର କ୍ଷୟକ୍ଷତି ବା ମୃତାହତର ଖବର ମିଳିନାହିଁ। ଇଣ୍ଡୋନେସିଆ ପାସିଫିକ୍ ରିଙ୍ଗ ଅଫ୍ ଫାୟାରରେ ଅବସ୍ଥିତ ହୋଇଥିବାରୁ ଏଠାରେ ବାରମ୍ବାର ଭୂକମ୍ପ ଏବଂ ସୁନାମି ଦେଖାଦେଇଥାଏ ।
