ମହାକୁମ୍ଭ ଦଳାଚକଟାର ସିବିଆଇ ତଦନ୍ତର ଆବଶ୍ଯକତା ନାହିଁ

ପ୍ରୟାଗରାଜ: ଉତ୍ତରପ୍ରଦେଶର ଯୋଗୀ ଆଦିତ୍ୟନାଥ ସରକାରଙ୍କୁ ଆହ୍ଲାବାଦ ହାଇକୋର୍ଟ ବଡ଼ ଆଶ୍ୱସ୍ତି ଦେଇଛନ୍ତି। ମହାକୁମ୍ଭ ଘଟଣାର ସିବିଆଇ ତଦନ୍ତ ପାଇଁ ଦାଖଲ ହୋଇଥିବା ଆବେଦନକୁ କୋର୍ଟ ଖାରଜ କରିଦେଇଛନ୍ତି। ମହାକୁମ୍ଭ ସମୟରେ ଘଟିଥିବା ଭଙ୍ଗାରୁଜା ଘଟଣାର ସିବିଆଇ ତଦନ୍ତ ଦାବି କରି ଯୋଗେନ୍ଦ୍ର ପାଣ୍ଡେ ଓ ଅନ୍ୟମାନେ ଜନସ୍ୱାର୍ଥ ଦୃଷ୍ଟିରୁ ଏହି ପିଟିସନ୍ ଦାଖଲ କରିଥିଲେ। ଆହ୍ଲାବାଦ ହାଇକୋର୍ଟର ଖଣ୍ଡପୀଠ ଏହି ମାମଲାର ଶୁଣାଣି କରିଥିଲେ। ପ୍ରଧାନ ବିଚାରପତି ଜଷ୍ଟିସ ଅରୁଣ ଭଂସାଲୀଙ୍କୁ ନେଇ ଗଠିତ ଖଣ୍ଡପୀଠ ଏହି ଆବେଦନକୁ ଅଯଥା ଓ ଭିତ୍ତିହୀନ ବୋଲି କହିଛନ୍ତି। ଏହି ମାମଲାରେ ସିବିଆଇ ତଦନ୍ତର କୌଣସି ଆବଶ୍ୟକତା ନାହିଁ ଏବଂ ପିଟିସନରେ କୌଣସି ଠୋସ୍ କାରଣ କିମ୍ବା ପ୍ରମାଣ ଉପସ୍ଥାପନ କରାଯାଇ ନାହିଁ ବୋଲି କୋର୍ଟ କହିଛନ୍ତି।୨୦୨୫ ମାର୍ଚ୍ଚ ୧୧ରେ ଏହି ମାମଲାର ପ୍ରଥମ ଶୁଣାଣି ହେବା ପରେ କୋର୍ଟ ଏହା ଉପରେ ରାୟ ସଂରକ୍ଷିତ ରଖିଥିଲେ। ଆଜି ମାର୍ଚ୍ଚ ୧୭ତାରିଖରେ କୋର୍ଟ ଆବେଦନଖାରଜ କରି ଚୂଡ଼ାନ୍ତ ଆଦେଶ ଦେଇଛନ୍ତି। ବାସ୍ତବରେ କୁମ୍ଭମେଳା ୨୦୨୫ ସମୟରେ ମେଳା ଅଞ୍ଚଳରେ ଏକ ଦଙ୍ଗା ଘଟିଥିଲା, ଯେଉଁଥିରେ ଅନେକ ଶ୍ରଦ୍ଧାଳୁଙ୍କ ମୃତ୍ୟୁ ଘଟିଥିଲା।