Monday, November 16, 2026
20.9 C
Odisha

    ମହିଳାଙ୍କ ଶରୀରରେ ଆଇରନ୍ ଅଭାବ ଦୂର କରିବ କେଉଁ ଖାଦ୍ୟ? ଜାଣନ୍ତୁ ଡାଏଟ୍ ଟିପ୍ସ

    ଆଗକୁ ପଢନ୍ତୁ

    ଘରର ସମସ୍ତଙ୍କ ଖାଇବା ପିଇବାର ଯତ୍ନ ନେଉଥିବା ମହିଳା, ନିଜ ସ୍ୱାସ୍ଥ୍ୟ ପାଇଁ କେତେ ସମୟ ଦେଉଛନ୍ତି? କାମର ଚାପ, ଘରର ଦାୟିତ୍ୱ ଭିତରେ ଯଦି ବାରମ୍ବାର ଥକାପଣ ଅନୁଭବ ହେଉଛି, ମୁଣ୍ଡ ଘୁରାଉଛି କିମ୍ବା ଟିକିଏ ଚାଲିଲେ ଶ୍ୱାସ ଫୁଲୁଛି, ତେବେ ଏହାକୁ କେବଳ କାମର ଥକାପଣ ଭାବି ଅଣଦେଖା କରନ୍ତୁ ନାହିଁ। ଏହାର ଏକ କାରଣ ହୋଇପାରେ ରକ୍ତହୀନତା ବା ଏନିମିଆ।

    କିନ୍ତୁ ଚିନ୍ତା କରନ୍ତୁ ନାହିଁ । ଆପଣଙ୍କ ଦୈନନ୍ଦିନ ଖାଦ୍ୟରେ ଥିବା କିଛି ସାଧାରଣ ଖାଦ୍ୟ ଶରୀରକୁ ଆଇରନ୍ ଯୋଗାଇବାରେ ସାହାଯ୍ୟ କରିପାରେ। ଆଇରନ୍ ହେଉଛି ହିମୋଗ୍ଲୋବିନ୍ ତିଆରିରେ ସହାୟକ ଏକ ଗୁରୁତ୍ୱପୂର୍ଣ୍ଣ ପୋଷକତତ୍ତ୍ୱ। ହିମୋଗ୍ଲୋବିନ୍ ରକ୍ତ ମାଧ୍ୟମରେ ଶରୀରର ବିଭିନ୍ନ ଅଙ୍ଗକୁ ଅକ୍ସିଜେନ୍ ପହଞ୍ଚାଇଥାଏ। ଶରୀରରେ ଆଇରନ୍‌ର ଅଭାବ ହେଲେ ହିମୋଗ୍ଲୋବିନ୍ କମିପାରେ ଏବଂ ଦେଖାଦେଇପାରେ ଥକାପଣ, ଦୁର୍ବଳତା ଓ ମୁଣ୍ଡ ଘୁରାଇବା ଭଳି ସମସ୍ୟା।ବିଶେଷକରି ପିରିୟଡ୍‌ସ ସମୟରେ ଅଧିକ ରକ୍ତସ୍ରାବ ହେଉଥିବା ମହିଳା ଏବଂ ଗର୍ଭବତୀ ମହିଳାଙ୍କଠାରେ ଆଇରନ୍‌ର ଆବଶ୍ୟକତା ବଢ଼ିପାରେ।

    ପାଳଙ୍ଗ ଶାଗ, ସୋରିଷ ଶାଗ ଭଳି ସବୁଜ ପରିବା ସହ ଚଣା, ରାଜମା, ମସୁର ଡାଲି ଓ ମୁଗ ଡାଲିକୁ ନିଜ ଡାଏଟ୍‌ରେ ସାମିଲ କରନ୍ତୁ। ରାଶି ଓ କଖାରୁ ମଞ୍ଜି ମଧ୍ୟ ଆଇରନ୍‌ର ଭଲ ଉତ୍ସ ।ଯେଉଁମାନେ ନନ୍‌ଭେଜ୍ ଖାଆନ୍ତି, ସେମାନେ ମାଛ ଓ ମାଂସ ଭଳି ଖାଦ୍ୟରୁ ମଧ୍ୟ ଆଇରନ୍ ପାଇପାରିବେ। ମନେ ରଖନ୍ତୁ ଖାଦ୍ୟରେ ଥିବା ଆଇରନ୍‌ର ପରିମାଣ ଓ ଶରୀର ତାହାକୁ ଶୋଷଣ କରିବାର କ୍ଷମତା ଭିନ୍ନ ହୋଇପାରେ। ଆଇରନ୍‌ଯୁକ୍ତ ଖାଦ୍ୟ ସହ ଭିଟାମିନ୍ C ଥିବା ଖାଦ୍ୟ, ଯେପରିକି ଲେମ୍ବୁ, ଅମୃତଭଣ୍ଡା କିମ୍ବା ପିଜୁଳି ଖାଇଲେ ଉଦ୍ଭିଦଜାତ ଖାଦ୍ୟରୁ ଆଇରନ୍ ଶୋଷଣରେ ସାହାଯ୍ୟ ମିଳିପାରେ।

    କିନ୍ତୁ ଗୋଟିଏ କଥା ମନେ ରଖନ୍ତୁ ସବୁ ଥକାପଣର କାରଣ ଆଇରନ୍‌ର ଅଭାବ ନୁହେଁ। ଲକ୍ଷଣ ବାରମ୍ବାର ଦେଖାଦେଲେ ଡାକ୍ତରଙ୍କ ପରାମର୍ଶ ନିଅନ୍ତୁ ଏବଂ ଆବଶ୍ୟକ ହେଲେ ରକ୍ତ ପରୀକ୍ଷା କରାନ୍ତୁ। ଗୁରୁତର ଆଇରନ୍ ଅଭାବରେ କେବଳ ଖାଦ୍ୟ ଯଥେଷ୍ଟ ନ ହୋଇପାରେ। ତେଣୁ ନିଜ ଇଚ୍ଛାରେ ଆଇରନ୍ ଟାବଲେଟ୍ ଖାଆନ୍ତୁ ନାହିଁ। ମନେ ରଖନ୍ତୁ, ସୁସ୍ଥ ମା’ ଓ ସୁସ୍ଥ ମହିଳା ହିଁ ପରିବାରର ଶକ୍ତି।

    ଅନ୍ୟାନ୍ୟ ଖବର

    ପାଣିପାଗ

    Odisha
    overcast clouds
    20.9 ° C
    20.9 °
    20.9 °
    70 %
    1.5kmh
    100 %
    Mon
    20 °
    Tue
    27 °
    Wed
    24 °
    Thu
    20 °
    Fri
    21 °

    ସମ୍ବନ୍ଧିତ