ମହିଳାମାନେ କେଉଁ ବୟସରେ ଅଧିକ ବ୍ରେଷ୍ଟ କ୍ୟାନ୍ସରରେ ପ୍ରଭାବିତ ହେଉଛନ୍ତି ଆସନ୍ତୁ ଜାଣିବା

ଭାରତରେ କମ ଆୟୁର ଯୁବତୀ ମାନେ କାହିଁକି ଅଧିକ ବ୍ରେଷ୍ଟ କ୍ୟାନ୍ସରରେ ପ୍ରଭାବିତ ହେଉଛନ୍ତି ଏବଂ କଣ ରହିଛି ଏହା ପଛର କାରଣ ଆସନ୍ତୁ ଜାଣିବା –

ଏମ୍ସ ଚିକିତ୍ସକଙ୍କର ଗୋଟିଏ ଟିମ୍ ବ୍ରେଷ୍ଟ କ୍ୟାନ୍ସରକୁ ନେଇ ଅଧ୍ୟୟନ କରିଥିଲା, ଯାହାଦ୍ୱାରା କିଛିଟା ଗୁରୁତ୍ୱପୂର୍ଣ ତଥ୍ୟ ସାମ୍ନାକୁ ଆସିଛି l ଏଥିପାଇଁ ବିଶେଷ ଭାବରେ ମହିଳା ମାନଙ୍କୁ ସଚେତନତାର ଆବଶ୍ୟକତା ରହିଛି ବୋଲି କୁହାଯାଇଛି ଏବଂ ଏଥି ସହିତ ବିଶେଷ ଭାବରେ ୫ଟି କାରଣ ଦାୟୀ ବୋଲି କୁହାଯାଇଛି l

ବ୍ରେଷ୍ଟ କ୍ୟାନ୍ସର ୨ଟି ସମୟରେ ଅଧିକ ପ୍ରଭାବିତ ହୋଇଥାଏ, ଗୋଟିଏ ହେଉଛି ୩୦ ରୁ ୪୦ ବର୍ଷ ସମୟରେ ଏବଂ ଆଉ ଗୋଟିଏ ସମୟ ହେଉଛି ୬୦ ବର୍ଷ l  କିନ୍ତୁ ଯେଉଁମାନେ ୩୦ ରୁ ୪୦ ବର୍ଷ ଆୟୁ ମଧ୍ୟରେ ପ୍ରଭାବିତ ହେଉଛନ୍ତି ତାହା ଯୁବାବସ୍ଥା ବୋଲି କୁହାଯାଉଛି l ସେଥିପାଇଁ କିଛିଟା ସତର୍କତା ଅବଲମ୍ବନ ନିହାତି କରିବା ଜରୁରୀ l ବତ୍ତମାନ ପ୍ରତ୍ୟେକ ୧୦ ମିନିଟରେ ଜଣେ ମହିଳା ବ୍ରେଷ୍ଟ କ୍ୟାନ୍ସରରେ ପ୍ରଭାବିତ ହେଉଛି ଏବଂ ପ୍ରତ୍ୟେକ ୧୮ ମିନିଟରେ ଜଣେ ମହିଳାର ମୃତ୍ୟୁ ହେଉଛି l

ଯଦି ଆମେ ଖାଦ୍ୟ କଥା କହିବା ରେଡ ମିଟ , ପ୍ରିଜର୍ଭଡ଼ ଫୁଡ, ବାହାର ଖାଦ୍ୟ, ମାଂସ ମଦିରା ଅଧିକ ସେବନ, ଗୁଟକା ସେବନ, ଓଜନ ବୃଦ୍ଧି ଇତ୍ୟାଦି ବ୍ରେଷ୍ଟ କ୍ୟାନ୍ସରରେ ଅଧିକ ପ୍ରଭାବିତ କରିବାର କାରଣ ଅଟେ l

ଲେଟ ମ୍ୟାରେଜ ଓ ଲେଟରେ ଗର୍ଭ ଧାରଣ ମଧ୍ୟ ବ୍ରେଷ୍ଟ କ୍ୟାନ୍ସରର ଗୋଟିଏ କାରଣ ହୋଇଥାଏ l ବ୍ରେଷ୍ଟ କ୍ୟାନ୍ସର ମଧ୍ୟ ଜେନେଟିକ ହୋଇଥାଏ ଯେପରିକି ମା ଯଦି ପ୍ରଭାବିତ ହୋଇ ଥାଆନ୍ତି ତେବେ କିଛି ମାତ୍ରାରେ ଝିଅ ମଧ୍ୟ ପ୍ରଭାବିତ ହେବାର ସମ୍ଭାବନା ରହିଥାଏ l

ପନିପରିବା ଗୁଡିକରେ ଅଧିକ ମାତ୍ରାରେ କୀଟ ନାଶକର ପ୍ରୟୋଗ ମଧ୍ୟ ବ୍ରେଷ୍ଟ କ୍ୟାନ୍ସରର ଗୋଟିଏ କାରଣ ଅଟେ, ତେଣୁ କୀଟ ନାଶକ ପ୍ରୟୋଗ ପନିପରିବାରେ ଅଧିକ ହେଉଥିବା କାରଣରୁ ତାହା ସ୍ୱାସ୍ଥ୍ୟପ୍ରଦ ନୁହେଁ l

ପୂର୍ବରୁ ଭାରତୀୟ ମହିଳା ମାନେ ଧୂମ୍ରପାନ କରୁନଥିଲେ, କିନ୍ତୁ ବତ୍ତମାନ ଏହା ପାଶ୍ଚାତ୍ୟ ସଂସ୍କୃତିକୁ ଆପଣାଇ ଗୋଟିଏ ଷ୍ଟାଇଲରେ ପରିଣତ ହୋଇଛି l ତେଣୁ ଧୁମ୍ରପାନ ମଧ୍ୟ ଗୋଟିଏ କାରଣ ଅଟେ l

ପୂର୍ବରୁ ମା ମାନେ ନିଜ ଶିଶୁକୁ ଅତି କମ ରେ ୬ମାସ ପର୍ଯ୍ୟନ୍ତ ସ୍ତନ୍ୟ ପାନ କରାଉଥିଲେ , କିନ୍ତୁ ବର୍ତମାନ ମା ର ଦୁଗ୍ଧକୁ ସଂରକ୍ଷିତ କରି ଦୀର୍ଘ ସମୟ ପର୍ଯ୍ୟନ୍ତ ଫ୍ରିଜରେ ରଖା ଯାଉଛି ଏବଂ ଏହାକୁ ପରେ ଶିଶୁଙ୍କୁ ସେବନ କରିବାକୁ ଦିଆଯାଉଛି l କିନ୍ତୁ ମା କ୍ଷୀର ଯଦି ଶିଶୁ ନିଜେ ସ୍ତନରୁ ଖାଇଥାଏ ତେବେ ଏହା ଉଭୟ ମା ଓ ଶିଶୁ ପାଇଁ ହିତକର ହୋଇଥାଏ ଏବଂ ମା କୁ ବ୍ରେଷ୍ଟ କ୍ୟାନ୍ସର ନିକଟରୁ ଦୁରେଇ ରଖିଥାଏ l