ବାଲେଶ୍ବର : ପୋଖରୀରେ ମାଛ ମଡ଼କ । ପାଣିରେ ଭାସୁଛନ୍ତି କ୍ବିଣ୍ଟାଲ କ୍ବିଣ୍ଟାଲ ମାଛ । କେହି ଦୁର୍ବୃତ୍ତ ବିଷ ପକାଇଦେଇଥିବା ଅଭିଯୋଗ ହୋଇଛି। ବାଲେଶ୍ବର ସିଂଲା ଥାନା ଶଙ୍ଖୁଆ ଗାଁରେ ଥିବା ଶଙ୍ଖେଶ୍ବର ପୋଖରୀରେ ମରି ଭାସୁଛନ୍ତି ବିଭିନ୍ନ ପ୍ରଜାତିର ମାଛ ।
ଏହି ପୋଖରୀ ଉପରେ ଗାଁର ଶହେରୁ ଉର୍ଦ୍ଧ୍ବ ପରିବାର ନିର୍ଭର କରନ୍ତି । ମାଛ ମରି ଦୁର୍ଗନ୍ଧ ସୃଷ୍ଟି ହେବା ସହ ଅସ୍ବାସ୍ଥ୍ୟକର ପରିବେଶ ସୃଷ୍ଟି ହୋଇଛି । ପୋଖରୀରେ ପାଣି ଅଧିକ ଥିବାରୁ ମାଛ ମାରିବା ପାଇଁ ବିଷ ପ୍ରୟୋଗ କରାଯାଇଥିବା ଗାଁଲୋକ ଅଭିଯୋଗ କରିଛନ୍ତି । ଏନେଇ ସିଂଲା ଥାନାରେ ଅଭିଯୋଗ ହୋଇଛି । ପୋଲିସ ଘଟଣାର ତଦନ୍ତ କରୁଛି । ଦୋଷୀଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ପାଇଁ ଦାବି ହୋଇଛି ।
